台中、台南之旅 - DAY 2 阿里山 - Part 4 森林遊樂區 之2

繼續遊戲森林...

又有d 生得奇形怪狀....既古怪樹木.....

呢棵已經無咗上半身...但係都要攔路...太無理頭 la..

呢棵樹....生到咁....連我生得咁矮 都行唔到過去 ....呢個森林實在太自由發展 la

森林裏面有個叫姊妹潭...故名思義...係由一大一小2個潭組成...下面呢個就係妹妹..."妹潭"...幾犀利....我併返個妹潭出嚟....唔係合成照呀....如假包換....

呢個咪姐姐...."姊潭"...其實真係無乜特別....但姊潭中間就多咗個亭....

唉...又開始落雨...唯有入嚟避避....

個亭頂似唔似一頂草帽?.....我就係草帽小子..."路飛" --> "路妃"...

唔止用鐵皮嚟補樹....呢d 好似係竹...

四姊妹....大家知道點解嗎?...其實我都係聽路過既導遊講....4棵樹生埋一齊咪叫四姊妹囉...

哇...似唔似 豬 呀 ? .......哦....你話似..........我係問 cris 似唔似 la.....

心形木......哩個真係好似....我手有比心架...睇唔睇到....??

哩到係木蘭園....有無木蘭我就無乜留意....但係有 法輪功 既人係到練功.....好恐怖........所以影咗張相就即閃....

吊橋....行過去真係搖搖吓....好似每次只限 5 人...太重應該真係會.....斷...

21號巨木.....係巨木咋..唔係神木....哇 !....你睇cris 幾細笠...

我哋行咗2個半鐘.....終於嚟到終點站...神木車站...大家對眼無問題....亦唔係我影相技術有問題...喺高山...好鐘意無端起霧....尤其係落完雨...

又一次地上攝影....

哩個就係售票處 la...睇唔出 le....坐返去阿里山站都要 NT50...好貴...

有無覺得好我哋成日都同火車影相呢 ? .....仲有大把....全部都係 "動力火車"....

 

 

後記

森林裏面既樹真係好多同好高....而且有好多巨木...神木....所以落雨都唔駛驚....企係樹蔭下就ok la...由於喱個係國家公園...所以路好好行....比平時行山更舒服....雖然話行咗2個半鐘...但我哋中途停留影相既時間都好多...如果有心行真係可以再快 d....

我返到嚟細心睇返個森林地圖....先知原來我哋有好多地方無行....一係因為旅遊中心建議我哋行呢段....二係...我哋根本無乜點睇地圖行....所以就算建議行程我哋都無行晒...有d地方 miss 咗....如果真係要行晒咁多地方....我諗最少要都要行4-5個鍾....