惡夢...又來...

我又發惡夢....近哩個星期都第3次 la...今次夢到我老細同我講我工作唔好.....做嘢有頭無尾....我仲夢到我同佢講我唔係咁既人....如果做得唔好我道歉....跟住仲喊咗出嚟.....哩個係我成日好擔心既問題...因為我老細從來都唔 comment 我哋既工作表現.....所以我都唔知自己係佢心目中算唔算合格.....可能因為我太想知道...所以連發夢都記住.....

我唔想再發哩d夢 la.....好恐怖......都唔知夢到既嘢係咪真....真係好驚....!! 求你放過我 la....

 

又發怪夢...

噚晚又發怪夢...今次夢到我老細倆兄弟嚟咗我屋企食飯....真係誇張....內容唔係太詳細....但係夢到咁都怪 la....場面係好奇怪...因為我屋企細.....佢倆兄弟要好迫咁食飯...好好笑...我係夢裏面仲係若無其事個種.....唔通我平時都返工太大壓力...發夢要虐待返佢哋??? ..但係其實我又同佢細佬無交流...連佢細佬都要虐待埋...我都幾變態...

但唔知點解...自從返咗哩份工之後...我成日都發夢....當然唔係全部都記得....同埋咁特別....但以前係舊公司我都唔會咁....

古怪的夢

噚晚發咗一晚既夢...內容有好多....有公司忙緊既事...最奇怪既係我夢到他"前男友".....而且內容係好奇怪....講我同返佢一齊...而且講佢離咗婚.....你話代表既咩?? 講真我一d 都無再鐘意佢...而且都已經無恨....平時我都唔會諗起佢...但唔知點解偏偏會夢到佢...仲要係係返埋一齊....我一直都唔係過咗去就係過咗去既人....絕對唔會再返轉頭....從一分開始就無諗過會係返埋一齊....哩個夢完全唔係我做人既作風, 有違我做人既原則....真係諗唔通....希望佢只係一個夢 la....唔會有d 咩發生....可能係我一個人太耐...內心有d寂寞....但無論如何我還是享受一個人既生活...但我亦無排斥異性...更歡迎真正的有緣份....我的真命天子既出現....只係唔會強求....順其自然而已....發哩個夢真係有d 無奈...

結婚

今日收到個消息...."前男友要結婚了" ....佢個好朋友....我個舊同學特登話俾我知....仲要問我知唔知? 佢都明知我 ex 都唔會請我架 la...我點會知呀 ???  你話係咪多餘....??

其實我對佢已經無晒感覺....更加唔會唔開心...因為都已經咁耐...而且都無 feel la...佢要同邊個結婚都唔關我事...我個 fd 問我有無事...我點會有事...但係聽到當然會有 d 感觸....會諗如果當時無分手...而加我可能係主角...加上我而加又無男朋友...感概既會更多.....覺得自己唔爭氣.....點解人哋無咗我咁快就可以結婚....我就一直一個人....雖然我好鐘意一個人既感覺....但係聽到哩個消息都會諗返好多嘢....突然會想結婚....當然係諗吓 la...邊有咁簡單....?? 我已經唔容易鐘意人.....更唔會為結婚而結婚.....我哩種人要結婚真係難過登天...我有時會懷疑自己會一直一個人....因為我真係好唔想結婚...更加唔想同另外一個人一齊生活.....太愛自己....唔想同人交待...更唔想同人負責....自由開心生活....係我而家既生活宗旨....

我唔敢講未來會發生咩事...但係我享受現在既生活...

anyway.....既然佢要結婚 la...我係哩到都要祝佢.... 結婚快樂...白頭到老....連生貴子......一家人開開心心....

心情愉快

今日同一個好朋友傾咗一個下午...覺得心情好咗好多....知心好友真係好重要....唔開心有人聽吓我訴苦真係好有用...雖然我唔係嗰d 鍾意將自己唔開心既嘢話俾人聽...一般都係我聽人訴苦多...但係只要係有需要既時間有人肯聽我講...我都覺得好開心....

多謝我個好朋友....

長氣、是非老人

真係好煩...有時我都好怕返大陸見到咁多長輩...個個問長問短...再唔係就係我父母成日係人哋面前講我d嘢...仲要係人都知我幾多歲...唔知係咪唔講自己d仔女就無野講...我真係忍無可忍話我阿媽....唔好再同人講我幾多歲...會反面...佢話親戚都知架la...我話人哋有無問..做乜要成日主勭同人講...如果淨係親戚都還好....但我阿媽係個d係人都講...上次去金舖無端端都同個sales 講我年齡...你話係咪有問題....你都知la...去到我呢個尷尬年紀...d 人成日問你結婚未...幾時結婚...有無男朋友...我真係唔想再答呢d問題...我唔想結婚生仔都唔得....煩都被人煩死...而加我淨係想一個人自由自在..想做乜就做乜..唔駛同人交待....

仲有上咗年紀既人...真係好鍾意講是非...我唔係聽我阿嫲話我d堂細佬點...就係聽到我姑媽話我大伯父唔識又要扮識..仲要人聽佢d歪理...再唔係聽我大伯父講阿嫲...總之一家人...大家都好似好唔妥...平時受咗好多氣...見人都要講吓發洩吓....我呢d做後輩既...聽個個講我都係得一兩個答案..."哦!係呀!"..."算la"...自己父母講都話可以唔聽...其他長輩講...我仲要局住聽...又唔可以反抗...真係慘都震....

真係唔明...點解咁鍾意講人哋既嘢...講真我最怕聽人是非...因為可能我唔鍾意八卦....尤其係唔識唔熟既人...我根本唔想知道佢既嘢...搞到我盡量都唔出席d大家庭活動...費事自找麻煩...

其實都唔知係咪我自己有問題...

干物女

干物女 - 又稱"魚乾女"

 

係日本時下好流行的一個稱呼, 專門用嚟形容一d, 上班時光鮮亮麗, 但一放咗工就不注重打扮, 愛著運動衫褲, 紮噴水池頭, 無儀態, 屋企零亂唔執屋, 一放工放假就鍾意留係屋企, 唔鍾意拍拖....

 

認識呢個名詞...因為睇咗一套日劇 ...剛有介紹過"瑩之光"...真係形容得好貼切....仲發覺自己有d似...

 

因為其實佢既意思同宅女差唔多...不過佢就加埋上下班人的反差....

 

我覺得自己似干物女...係因為我返工時都悉心打扮, 但返到屋企就好隨意...有著運動衫, 有著輕便服...都無乜儀態...屋企都好亂又唔鍾意執屋...加埋而加放工仲好想返屋企...唔想去街...又無拖拍...你話係咪係到十足??

 

你話係咪日本同香港文化有不同...咁當然有...因為日本妹一向對自己衣著打扮, 儀態都好有要求, 就算係屋企都係好有要求...就算係香港...都唔一定每個女人都鍾意係屋企輕便打扮...好似我媽...同埋我識d阿太...佢哋係屋企都會打扮得好好...唔會好似我咁..係唔見得人...戴著眼鏡..頭髮唔理...成個傻仔咁...我種意係屋企咁打扮...係因為又唔駛見人...全部都係屋企人...我最唔見得人個樣佢哋都見過..又有乜所謂呢 ?? 而且咁著咁打扮先夠輕鬆....

 

屋企都好亂又唔鍾意執屋...係因為我一向都唔鍾意做家務...可以話係憎...唔到一定或忍無可忍既地步我都唔會執....你話死唔死...一係返工好累..唔想再旭...二係我真係好忍得...少少唔乾淨....無問題...三係就算我執好...我細佬唔夠一日就整返亂..因為佢仲亂過我...

 

一放工放假就鍾意留係屋企...因為返工好忙...好累...根本唔想再去街...好想返屋企休息...

 

唔鍾意拍拖....因為都識唔到....而且我又唔會強求...真係..有無都無乜所謂...因為自己都過得好開心...

 

以上所有我既諗法...都係干物女既諗法...成個人生..生活都乾涸了.....DRY DRY DRY.....

被遺忘...不被重視

今日真係超唔開心...被遺忘...不被重視....又一次發生係我身上...

真係好唔習慣...因為由細到大..我都係成長於被重視的一群...但偏偏入到呢間公司....我成為了取不被重視的一個.....佢哋有乜活動...有乜事...秘密都唔會同我講....好似今晚係大陸返嚟咁...佢哋食宵夜...都無問我...雖然佢哋出旺角..我一定唔去..但係佢哋問都唔問吓我...我真係覺得好失落....感覺好似當我唔存在...但偏偏又被我聽到....真慘....

可能我係獅子座...被人重視係好重要...我要成為全場觸目的一個...點可能係被遺忘...被忽略....

我真係好唔開心...其實..我可能要檢討一下我自己...點解人哋會咁對我...可能因為我一直都對佢哋唔好...做事太計較...但係我覺得我已經改咗好多...而加都會主動貢獻...可能係唔夠..又可能係一直以來俾人印象太差所至....

唔想再留係呢間公司...其中一個好重要既原因係...因為我做了5年都融入唔到大家...都不被重視...真係好慘...又被忽略..又不被關心....我決定過完年就走la...

相處

人與人之間既相處..我一直認為係互相.....即我對你好..你就會對我好.....所以我一向都唔會對我唔鍾意既人好....因為憎就係憎...何必假裝無事....

但我突然覺得並唔係咁既一回事.....我為人著想....但係同一件事角色互換....並不代表佢會為你著想....那我何必仲要處處為人著想呢..?....點解仲要就人....??

今日真係好唔開心...但係仲要裝開心....因為我唔想人知道我唔開心....真係好辛苦

我就係咁既人....永遠都唔想被人睇到脆弱既一面.....成日扮堅強.....點解唔做自己.....??

我唔會再去討好人.....因為真係好累....  

宅女

剛剛有看到一個節目, 講宅男...特徵是

1) 不出門

2) 沒有男女朋友

3) 不修編幅

4) 沉迷電玩, 動漫...或其他

5) 不喜歡說話或溝通

突然間我覺得自己有點似宅女...一般來講我都不願意出門...除非是熟的朋友..(但我當然會出街玩, 買我喜歡的東西, 仲有我鐘意唱k, 睇戲, 放假都會同屋企人出街飲茶食飯), 而且我喜歡在家裏煲劇或看綜藝節目...反正我唔出街都唔會覺得悶...仲有..有無男朋友...你話我是否有點似宅女....

朋友們..你們會唔會覺得我好自閉...似宅女呢??