長氣、是非老人

真係好煩...有時我都好怕返大陸見到咁多長輩...個個問長問短...再唔係就係我父母成日係人哋面前講我d嘢...仲要係人都知我幾多歲...唔知係咪唔講自己d仔女就無野講...我真係忍無可忍話我阿媽....唔好再同人講我幾多歲...會反面...佢話親戚都知架la...我話人哋有無問..做乜要成日主勭同人講...如果淨係親戚都還好....但我阿媽係個d係人都講...上次去金舖無端端都同個sales 講我年齡...你話係咪有問題....你都知la...去到我呢個尷尬年紀...d 人成日問你結婚未...幾時結婚...有無男朋友...我真係唔想再答呢d問題...我唔想結婚生仔都唔得....煩都被人煩死...而加我淨係想一個人自由自在..想做乜就做乜..唔駛同人交待....

仲有上咗年紀既人...真係好鍾意講是非...我唔係聽我阿嫲話我d堂細佬點...就係聽到我姑媽話我大伯父唔識又要扮識..仲要人聽佢d歪理...再唔係聽我大伯父講阿嫲...總之一家人...大家都好似好唔妥...平時受咗好多氣...見人都要講吓發洩吓....我呢d做後輩既...聽個個講我都係得一兩個答案..."哦!係呀!"..."算la"...自己父母講都話可以唔聽...其他長輩講...我仲要局住聽...又唔可以反抗...真係慘都震....

真係唔明...點解咁鍾意講人哋既嘢...講真我最怕聽人是非...因為可能我唔鍾意八卦....尤其係唔識唔熟既人...我根本唔想知道佢既嘢...搞到我盡量都唔出席d大家庭活動...費事自找麻煩...

其實都唔知係咪我自己有問題...