發窮惡

我老細真係痴痴地...生意唔好...周轉不靈都唔係見錢開眼架...大家真係嚟平平理la...

今日同客開會....新產品出咗模...咁梗係會有d野覺得唔好要改模....因為始終係好多零件既配合...而且又唔係我哋全個產品做晒...都要配合個客其他零件架...點知佢話要收個客錢...我真係即時怒啤佢...佢無嘢呀...我收咗人哋模費...仲要收得唔平...而加乜都唔包...咁人哋會諗咁我哋開模前唔考慮清楚, 確保無問題...點解要開咗模後...唔得又要佢俾錢改...我真係覺得好無溪...我又唔鍾意盲目咁做..就算係老細都係咁話....咁我咪走去搜集資料囉...有時我都覺得自己幾沉唔住氣....衝動又EQ低...我竟然係個會到同我老細講..."我收咗個客$8400,套模實際費用$3000, 今次改模$300, 咁你自己決定仲收唔收個客錢"...雖然個客係唔識大中文..大陸同事唔識廣東話...但係我相信唔多唔少都知道我哋講乜..所以我老細都好尷尬....唯有話 " 咁唔收la"...其實可以咁講...我係有心迫佢入局...咁係呀嘛...應該收既我一定會幫佢同個客收...但係唔係咁發窮惡...咁樣好討厭....

一時又話無錢...轉頭又話要去參加個供應商既拍賣會...買佢d模佢同五金...選擇唔同個客開會傾生意...真係好奇怪...無錢生意唔好係咪首先到去搵多d生意 ?? 買平模具...自己又無錢...踭落周街數...仲要買嘢...抵都係咁話...模具又唔係即時有用...同我哋做緊既產品又無關係...買返嚟仲要開發新產品先有得搵生意...你話係咪唔應該花呢d錢...係咪應該傾好而加有既生意先呢....我真係好嬲...因為明明都係講technical 問題...我老細同工程話事人都話要去呢個拍買會而唔開會..咁我開會嚟做乜..又無marketing 嘢要傾...真係奇怪...人哋話會叫工程師開...我心諗...嗰d得技術員或繪圖員水準既工程師...等陣都唔知d野啱唔啱既....而且佢哋2個最終意就係推翻人哋既決定..同唔認數...都唔係未試過...所以我今次真係唔笨...我同呢2位人兄講...老細都係咁話la..."總之工程師話乜就乜,之後唔好反悔..話唔得...唔好再俾意見...唔好浪費大家時間", 其實我都係講事實...工程會議...工程人員唔參與...又或者之後又改....咁何必浪費我時間同個客開一日會...不如而家叫個客走...遲d email 覆佢....

件件事都唔順利...搞到我都無晒心機做嘢....