我的第一次森林探險...
出發la...入口就係郵局旁邊...好易搵....唔好以為入嚟森林係免費....要俾入場費 NT150...
踏入森林入口...仲以為會係陰森恐怖...原來係行車路.... 雖然係周圍好多樹...但係都完全無處身於森林既感覺....好光呀....
等我慢慢同大家介紹吓沿路既風景 la....
大家估吓呢個係乜?..........................................................................................答案: 小火車路軌
真唔敢想像小火車會係半空中行駛...感覺好似玩瘋狂過山車.....仲有d 似..恐怖烈車....
其實沿路都會見到好多小火車路軌....
因為要誇越它....所以路軌旁都會有好多路牌提醒遊人....有d仲好得意....好似呢個"聽看停" 就好直接簡單咁指示遊人....離好遠已經見到個牌...所以一定知道前面有路軌...可能有小火車經過....
哈哈...森林裏面竟然有警局同消防局...而且仲要合2為1...大家估唔到 le....
門口個牌都好出人意表架....牛笠 到唔知係警局標誌
平時係香港都好少親近大自然....行山都少....所以都唔知道 d 樹原來可以咁樣修補....大家無睇錯...係鐵皮..
係台灣真係隨時隨地都可以見到孫中山既像....我哋噚日係高雄愛河附近就見到一個...但估唔到係森林裏面都有....
原來小火車除咗由嘉義到阿里山外....係森林裏面都有d 短線火車路線...可以通往森林唔同既地方...呢個係其中一個站..."沼平車站"..
唔好以為個車站係荒廢無用....你睇真係有火車架....
唔好以為有人幫我哋照相...我哋只係用個合照好幫手.."小腳架" ..嚟影 jar...再下面個張都係...犀利 le..
我哋真係有位放腳架就合照...因為上次去歐洲都無乜機會合照....今次我哋話過一定要影返多d 合照....自己調好...仲唔駛麻煩人添...
開始要行d...窄路 la...有無開始驚 le....cris 係到扮驚...睇得出嗎?...
呢個唔關我事....我都係睇返相先知 cris 影咗呢 d 相....佢係有舖咁既癮....大家唔好見怪...
呢張角度影得好奇怪....講唔出..自己 feel 吓 la...只可以話俾大家知...個腳架放咗係地下...感覺 d 樹更加高..
這個係"象鼻木"...似嗎 ? 我覺得幾似...我哋坐住嗰到就係象牙位置....左邊係頭...右邊係鼻...
係我 set 緊腳架既時候....cris 又係到影咗d 鬼馬相...今次仲多咗個主角添...有戲架...自己估吓 la..
後記
Cris send 返佢部相機 d 相俾我先知佢照咗 d 咁得意既相....估唔到睇相都有驚喜.....我記得上次去歐洲既時候...佢都有帶個公仔出去...話要幫佢照相...但最後都係唔記得...今次總算得嘗所願.....
另外...腳架真係好有用....尤其係得2個人旅行既時候....有無合照就要靠佢 la...如果唔係有邊個同你去都無人知.....我唔建議大家帶好大既腳架...因為好重...出門帶住唔方便....帶個細既就得la...即係買相機時送嗰個呢....唔好唔記得 la....呢個係旅遊小貼士呀....
沒有留言:
發佈留言