台中、台南之旅 - DAY 2 阿里山 - Part 2

阿里山...好凍...好靜

坐咗成2個鐘...終於到達目的地.....阿里山....其實司機都算開得快....佢本來話要2個半鐘..,但最後都唔駛...話晒都係山路...小心d 好....

車仲直接開到酒店門口....心裏面所有既疑問...擔心全部一掃而空....

踏出車門既第一個感覺就係...."哇 !! 阿里山真係好凍呀 !!"...而且空氣好清新...

雖然未攞得房 (呢到真誇張...要3pm先可以攞房)...但一切手繼都已經辦好....仲 book 埋車明天落奮起湖 (都要NT200 位...上嚟扺好多)....搞掂好晒...我哋就放低d 行李係 lobby....換返長衫長褲....就即刻出去行....因為唔知有幾大...要把握時間....

呢間就係我哋今晚住既"櫻山大飯店" la....仲話叫大飯店...一d 氣派都無....睇外表就已經知...睇埋裏面就更覺得普通....何來大飯店??....不過NT1500 咁平...就算la..而且好近外面食嘢買嘢既地方...行2分鐘就到....都好方便...

唔知係咪閒日...又咁早...其實都唔早...成11點幾...成個阿里山都無乜人....好靜呀...我仲以為旅遊點會好多人添....話晒都係暑假都無乜人...真係奇怪....

路口就已經有間旅遊中心....第一時間入去問有咩玩....聽完佢既建議後...知道最少都要行2、3個鐘...所以決定首先要搵d 嘢食...唔係行完都唔知幾點....

 

高山嘆咖啡...爽

因為咁早食早餐...已經開始肚餓....本來想試吓d 地道早餐...但係已經太晏無得食....食中午又覺得太早...應該話呢到既 lunch 都係食小菜火鍋....太heavy....太誇張...行咗幾間都係咁...所以係無得揀既情況下...我哋去咗 starbucks...飯杯咖啡都好呀...

雖然係一間好普通既 starbucks...但係外表真係一 d 都唔似....好中國 feel 呀....

大家有無睇到...呢間係全亞洲最高既starbucks...有2170公尺咁高架.....

我哋叫咗一個 sandwich...因為店員強烈推介....話裏面d 芝士會半溶...好好味.....同埋一個 blueberry cheese cake...因為 cris 想食....當然仲有主角....cappuccino....

本來諗住坐出面...因為 cris 話上面開碳爐好焗...出面空氣好 d...但點知我哋一坐低...就有一隻流浪狗行埋嚟...仲趴咗係我腳邊....雖然我知佢係唔會咬我...只係想我哋俾嘢佢食...但我天生就好怕狗....而且仲同我距離咁近....點可能同佢和平相處呢 ??....所以我哋被迫坐返入面....

其實裏面都幾舒服...因為有好大既梳化...中間圍住個碳爐...係氣溫咁低既高山...有咩好得過係碳爐旁嘆杯熱騰騰既咖啡....悶悶哋仲可以睇吓雜誌添.....好寫意...so relax....

呢個就係小火車阿里山站 la....係咪唔似呢...不過遲d...會有近鏡....而家就睇住外觀先la...

 

後記

因為係呢個旅程裏...不停遇到狗...應該話係台灣四圍都有狗...雖然我係台北既時候唔覺....所以我好似已經訓練到唔係咁驚狗...雖然話未去到可以同狗做朋友既程度...但係已經唔會見到佢哋就搵路走...避開佢哋...當然都要睇吓係咩狗....但都算唔錯既收穫....

阿里山都係好凍.....就算係夏天都係...尤其係夜晚同清晨...得10度左右...所以大家一定要帶定長衫長褲...好彩一早有上阿里山個官網睇定天氣...唔係只係帶短衫褲...就真係凍死....

P.S..帶風褸係阿里山既天氣係起唔到保暖作用....cris 就係只帶咗一件風褸...無帶其他衫...所以後來...加上淋咗幾日雨就感冒 la....