台中、台南之旅 - DAY 2 阿里山 - Part 5

吓...森林火車...好簡陋呀...

喱架就係森林小火車...果然係好原始....想像吓呢架車係之前我哋睇到既半空鐵路中行駛....真係好恐怖..

哈..喱對就係我係高雄六合夜市買個對鞋 la....佢將會陪我渡過整個旅程呀...

由神木站到阿里山站.....大概只需10分鐘...但好失望...因為沿路都無風景睇....仲諗住可以居高臨下...用另一個角度睇一次呢個森林....點知成條小火車路兩旁都係大樹同山.....早知就自己行埋最後嗰段 la...其實係可以自己行...半個鐘到....不過見未搭過小火車...所以咪試下囉...我諗自己沿路行既風景可能仲吸引....

阿里山站月台....都好有歷史感...木頭火車...加埋木頭月台...真係唔係隨處都睇到...

 

原住民 - 鄒族...濃霧中表演

時間啱啱好...返到嚟可以睇到 3pm 場既鄒族表現....佢哋就係阿里山車站平台表現....所以我哋就直接係到等....只係短短15分鍾時間.....阿里山又起霧....高山霧真係好唔同....超利害...一次比一次勁....我既視野範圍只有2m.....最差嗰陣可能得 1m...望出平台....簡直唔知自己身處何方..因為一d 嘢都睇唔到..只見到白濛濛一片....所以下面 d movie / 照片拍出嚟都有d 濛濛哋....

鄒族係其中一個台灣既原住民部族....聽講有12個....鄒族既根據地係阿里山....平時睇綜藝節目既時候都知道原住民唱歌跳舞好犀利....唔係一般平地人(即係我哋) 可以做到...張惠妹 就係最好既代表....所以對於佢哋今日既表現...我都好期待架....話晒都係第一次同原住民接觸....

係表演前佢哋都有人係到賣原住民 CD....原來佢哋都好鍾意出唱片...仲有佢哋做咗好多手工藝品係到賣...但都買得幾貴...所以我一d 都無考慮....

開始喇...總共會表演 4 隻舞.....歌名我已經唔係好記得....好似第一首係"高山青"...

你話表演得好精彩? ...我又唔係好覺....可能係佢哋唱既跳既都唔係我鍾意個種....所以係有d 失望...不過喱 d 先係佢哋既民族歌舞...我哋d 平地人係唔多識欣賞架喇...

表演完仲可以同原住民合照....佢哋好會擺 post....真係好奇怪原住民既女仔就好正常既台灣人樣...但係男仔就真係好原住民樣...個個黑黝黝...大家有無留意...連d 男仔都有化妝...我覺得佢哋既化妝好奇怪...一d 都唔靚.......好似煙燻妝...唔係...應該係熊貓妝....而且我覺得佢哋既服飾比較普通.....唔夠華麗...

 

後記

原住民...我後來睇返 d 旅遊書先知....12個部族裏面最大係阿美族...有成十幾萬人...其他族平均都係一萬幾千...而鄒族就有6千幾人...而最細係邵族..得6百幾人....住係日月潭...所以我去日月潭個陣都會見到...算叫做係呢個旅程中遇到2個原住民部族....

高山既天氣真係變化無常...早晚溫差有10度...而且隨時都會起霧..甚至落雨...其實我咁大個女都係第一次見到咁大霧..平時係香港所謂既大霧....都係好少意思....高山大霧就真係唔係人咁品....大到睇唔到嘢..真係有生以來第一次.....好難忘....