台中、台南之旅 - DAY 1 高雄 - Part 1

到高雄 la...7日旅程開始了...

真係好快....個幾鍾頭就到高雄小港機場....所以d空姐係機上面都好忙...一起飛就要serve 早餐....一食完就要收....

小港機場機場真係好細...幾步路就行到入境 counter...因為已經有 visa...所以就直接入境.....都算幾快...但估唔到d 行李仲快....可能因為機場真係好細....

我哋酒店近高雄火車站....所以揀搭捷運....呢到就係其中一個機場出口 la....可能好早...成個機場都無乜人.....

捷運...同台北都差唔多...但係就少好多人搭....

高雄火車站離機場都好近....幾個站就到...唔同係台北既時候仲要搭成個鍾客運...都算方便...

睇地圖....酒店都好近火車站...只係需要行2條大街....一個"L" 形就到....但點知.....地圖無scale 都係信唔過...所謂既近...我哋行咗成半個鐘....平時行咁耐都無所謂...但係我哋而家係"咩" 住成幾kg 既大包袱係身...簡直想死....咩叫行極都唔到...我而家知 la....幾經辛苦我終於到酒店....但又無得check-in...本來都諗住把握時間放低d 行李係 lobby 就出去...點知佢又話等15 分鐘就得...咁梗係等la...起碼可以洗個面...伸一伸...

雖然呢間"統茂飯店"package 裏面最平既酒店...但係都唔錯...仲有2張床....抵......不過酒店附近好靜...無乜人同舖...就連經過既車都唔多....地點真係嘛嘛哋....

到目前為止...頭頭踫著黑...真係擔心今次既行程....

後記

高雄同台北好唔同....最好做多d 準備先嚟...因為除咗自己會開車....無乜公車可以搭...而且捷運又唔係咁方便...你想去既地方大部份都未通車....即係去唔到...想要自己行...千其唔好....唔同台北....所有地方都好近....周圍都有好多舖..好多人好熱鬧....係高雄....四周都無乜人...地方又遠....真係行死人....睇地圖...最好搵d 有scale...起碼知距離...先考慮是否行路....

為方便...建議住近火車或捷運站....或市中心....千其唔好貪平住得咁遠...因為你每日俾既的士費都係個條數.....不如住近d 方便出入...又可以慳時間....