驚險出發
終於要出發 la...心情好興奮...其實我都係瞓得個2個鐘...因為一直係到上網搵同抄低的資料...成3點幾先瞓...而且現家要比以往更早先身...因為無咗去東涌既船....要搭巴士....如果去市中心既話會更耐...但車比較密...但係我揀咗搭早上先有既特別班次.....係屋企附近...可以瞓晏d....但由於我個站差不多係上屯門公路前既尾站...我都唔知巴士會幾點到.....網站只係有總站開出時間...同埋全程所需時間.....所以我都提早咗好多去車站等...但係真係人算不如天算....因為出門太急....襪無著好加上波鞋太新...所以一直係到磨腳....我穏約可以feel 到皮到磨完...到肉...好痛...但係我怕車突然會到....唔敢停低整對襪...因為如果miss咗呢班就要等成個鍾...真係死都要頂到車站先算....當差唔多行到車站既時候....突然見到車係我前面走過....仲差20米到...我真係又背住個好重既背囊...加埋腳痛....但都係唔理得咁多....就係要跑....終於追到....真係幾經辛苦...好彩早d出門口jar...真係估唔到架車咁早到....真係一額汗....
呢架車都幾快...大約半個鍾就到機場....去到機場....當然等一時間攞返個boarding pass...同埋寄咗呢件咁重既行李 la....因為之前做咗on-line check-in...所以只需係部自動服務機到就可以攞到boarding pass...跟住就去寄行李...港龍既服務真係嘛嘛哋....有個服務員叫我哋去個counter...但係點知counter d 服務員又話呢個 counter 只幫亞視既人 check-in...唔開既....要我哋排返去等2條隊....而且咁啱個2個都係新仔....又無禮貌...所以特別反感.....原來寄行李既counter 係好少....反而check-in 既就好多....所以都要排幾耐先到我哋....咁既安排都唔知點解要做上網check-in...都無快d....時間同平時都係差唔多....
寄咗行李....就去食咗個早餐....因為攞台証既 counter 要8am 先開....
原來好多人一早未開就已經係到等....因為我哋嚟到已經要等幾拾個人...真誇張....而且佢哋做嘢好慢...等超過半個鐘....又一次...都唔知上網登記嚟做乜....都唔係整定...都係嚟到先整....
終於攞到台証....幾驚攞唔切....急急腳咁趕住去登機...因為已經差唔到起飛時間....到登機閘口既時候...發覺已經係 final call 緊...所以連廁所都去唔到就衝衝上機....
雖然係有d驚險...但總算平安上到機...真係謝天謝地....
後記
其實如果去台北可以做落地簽証...但去高雄就最好先做簽証...除非你有台幣...因為高雄機場裏面係無兌換店....亦無銀行....佢又唔收港幣....所以要小心....如果坐早機又想先攞簽証...建議提早係其他分店攞...因為係機場時間真係好緊...好容易會 miss 咗班飛機....
沒有留言:
發佈留言