好醜....包包面...肥do do
第一站我哋要去旗津....今次睇地圖就知道好遠....因為距離仲遠過係火車站到酒店....所以就問酒店既人點樣去...睇吓有無公車可以到....點知佢叫我哋搭的士去到鼓山輪渡站坐船.....都真係幾遠....如果又傻仔信地圖...真係唔知要行幾耐...因為坐的士都要 NT125....都唔知轉咗幾多個彎先到...
係鼓山輪渡站...坐船去旗津輪渡站要NT30....好近...得10分鐘路程....呢個高雄港真係無乜特別.....好普通既一個港口.....
今日個頭好核突...上面好塌...加上又無陽光.....天陰陰咁.....d 相都影得唔靚....大家睇吓算 la...唔好介意...
哇...係 cris 隔離...真係好易睇得出我塊面好包....好大份...仲有好肥.....死..死..死....點算...之後所有相都係咁....
烏龍百出.....不祥之兆
落咗船見到7-11...第一時間去買嘢飲...順便睇吓有無電話卡買.....講到買電話卡....真係又一次既溝通問題...烏龍百出.....咁我哋本來諗住買張本地電話卡....可以隨時打去搵酒店....或者其他地方問嘢...其實我哋有想買既電話卡(手機sim 卡)...但係個店員話咩管得好嚴...又話要登記又話要等30分鍾...總之好麻煩....咁就介紹咗另外一種電話卡俾我哋....本來都覺得呢種唔係咁好...因為唔係sim 卡...但係佢又話手機打又得....公眾電話...普通電話打又得....咁就算la..NT200 買嚟試吓都ok...真係唔知係咪我哋國語真係咁差....佢竟然賣咗張國際電話卡俾我哋....咁我哋仲傻更更...以為係本地卡...出去搵公眾電話試...點知打極都話code有錯誤...咁咪搵返7-11個人問...咁佢就出嚟幫我哋試...點知真係唔得.....原來我哋未刮個code....咁好啦又再試...都係唔得....後來先發現原來我哋要打本地電話.....咁佢就話呢張唔得...要買過第2張....咁我梗係第一時間話換la...咁又唔係我哋既問題...我哋想買個種佢又唔買俾我哋....後來 cris 話佢有用...所以先算....要買過第2張...當然問清問楚...真係無搞錯先買...買完仲第一時間試打去阿里山既酒店....終於幾經波折...打到我哋想打既電話.....唔經唔覺咁又搞咗一個鐘....
狂風暴雨..行雷閃電....好驚險
本來諗住租單車...但見到個天唔係幾好...想落雨咁....都係唔租....因為又無嘢遮頭....去到半路落雨都唔知點算...咁決定唔租就行la...行咗成20分鐘...先到第一個景點....係一個沙灘 ? 好似係一個水上浴場...唔係好記得....總之就無乜特別....
呢個真係唔係一個沙灘....上面嗰d一d 都唔似沙...好似泥...黑嘛嘛...加埋周圍都好污漕...感覺唔係咁好.....點睇都唔似一個景點.....
離開呢個灘....發覺我哋要去既目的地好遠...而家先行咗好少...如果用行既真係2個鐘都唔知到唔到....我哋坐咗係路邊....見到其他人都係著住便利雨衣踩單車....剛好對面有得租單車.....咁我哋就諗住問吓可唔可以係其他地方還...如果可以咁我哋可以踩到尾後就唔駛返轉頭....都租得過...起碼唔駛行....呢到租單車...好似香港咁....可以係唔同地方還....不過就要事先講明係邊到還...因為佢要收車...都好方便....又唔貴...NT150 無限時任踩...而且租單車既地方就有便利雨衣買....本來仲諗住要去7-11買....點知咁一條龍服務...果然識做生意....最後我哋決定租協力車 (即2個人一齊踩個種)...同埋返去旗津輪渡站還...
哈哈....原來cris 踩單車唔係好叻...所以我唯有踩前面....其實我都好耐無踩單車...我都要d時間 pick up 返...不過協力車真係好難控制....尤其係方向同平行....好唔穏...要2個人一齊好合拍先得.....真佩服我哋一開始仲夠膽係馬路邊踩......話晒平時就算自己踩都唔會係馬路la....而家仲要踩咁難既協力車....真係駁命....
我發覺今日我哋真係超黑仔...明明租單車既時候都無落雨....我哋開始踩咗都唔知有無100m...就開始落雨....之後仲越來越大.......大到要停低避雨....雖然話係單車徑....但係每個馬路口都有圓柱形既路障....咁我哋又唔係技術咁好.....當然驚la....唔敢踩過去...咁點?....當然係4腳落地...慢慢行過去la...所以都踩得唔快....
呢個係我哋中途停低係樹蔭下避雨個樣...真係超狼狽....成身都濕晒...尤其係對鞋...d 水淺起..成對鞋入晒水.....真係唔知為乜.....路過既狗都望住我哋...好似係到笑緊我哋蠢咁....真慘...
越來越大雨....我哋又唔敢踩得好快...怕危險....要避雨...四周都無地方可以遮頭....所以唯有梗著頭皮繼續踩......其實我哋想去邊? 咪下面呢個超普通既風車公園囉...因為睇過"原來我不帥"...以為係同一個風車公園....所以想過嚟睇吓....點知....真係大失所望...完全唔係個回事....今次..真係真真正正既"唔知為乜".....
好彩咁啱公園前面有個亭......不如話係個篷...可以避下雨....不過後來先知...呢個篷係用嚟搞活動既攤位....因為係最大雨...我哋最需要避雨既時候...有幾個人嚟佈置攤位....我哋真係唔知點好...人哋要放枱放凳...又要拉banner...平時正常就走開咗...但係咁大雨....又行雷閃電...我哋可以去得邊呢...唯有死賴...行埋一邊當無嘢....不過一陣間呢班人就走咗....都唔知幾想叫佢哋車埋我哋走....因為d 雨都無停既跡象....無可耐可....我哋唯有繼續係到避雨....其實唔止我哋.....路邊有架警車都停咗係到...雖然話d警察係車裏面...但係不時我都見到佢哋望住我哋倆個....一定係笑我哋.....真係醜到爆....無計la...咁大雨...又走唔到....唯有被佢哋笑吓la...真係唔知佢哋點做警察架...唔幫忙仲要笑人....不過好彩...過咗一陣...d 雨細咗好多...咁我哋就把握機會即刻踩返去....回程我哋踩得好快....可能一來識路...二來又怕再落大雨...想快d 襯無雨嗱嗱淋踏返去.....慕住風雨踩單車....感覺真係好似越野賽...
風車公園前避雨....個樣好狼狽吧 !!
一返到去...即刻打電話俾個姐姐...叫佢嚟收返架車.....跟住就既坐船走....
其實旗津有好多海鮮食...因為係港口....所以聽講好平而且好出名...但我哋當然無閒倩去食 la...淨係想快d 踩返去....走人...
有生以來從未試過係大風雨下踩單車...實在太驚險刺激 la.....畢生難忘...而且感覺好爽 !!
後記
旗津...一個無乜嘢玩既地方....無乜景點....唔吸引....當然如果好天....踩吓單車...食吓海鮮都幾寫意....但無時間真係可以唔駛嚟....
沒有留言:
發佈留言