台中、台南之旅 - DAY 3 玉山

玉山...日出就無喇...雲中太陽就有一個...

吖 ! 妤早呀....3:45am....就起身....因為4:30am 就要出發去睇日出....真係一日比一日早....今日睇日出既地方係玉山....聽司機叔叔講玉山有海拔2755公尺高....比阿里山仲要高500公尺....所以玉山係台灣第一高既國家公園...而阿里山係第二....因為四周都仲係黑嘛嘛...車裏面又黑嘛嘛.....咩都睇唔到...所以真係好想瞓....但係又唔知有幾遠.....都唔係咁敢瞓...你知 la...一陣真係瞓著咗...要人叫醒你落車就唔好la...話駛我都坐係門口位置...所有人落車都一定要經過我....好瘀家嘛...

其實都幾遠...開咗差唔多半個鐘先到國家公園入口....而家差唔多5 am....所有個天仲係好黑....唔好以為到 la...我哋只係落車影張相咋...仲有俾時間司機食枝煙....

再多5分鐘車程...就嚟到夫妻樹...故名意義...係有2棵樹....你哋估吓邊個係男邊個係女....等陣先開估...

夫妻樹係矗立係公路旁...雖係兩棵已死既紅檜...但都係幾千年既神木...通常係恩愛夫妻、甜蜜情侶...必遊既地方....因為夫妻樹係愛情既見證....所有到此一遊既伴侶..都會留影...在此留低足印...並且許下一生一世既誓言...但係唔知點解...都變成沽木....無咗生命....仲可以屹立不倒...真神奇....可能就因為咁...先可以成為愛情既見證.....

我知大家好心急.....答案係....左邊係女...右邊係男....原因係因為女人會生兒育女...又比較多煩惱...所以多生好多枝節...哩 d 都係原住民既解釋...唔知真定假...

我都唔知點解唔首先去睇日出...哩 d 樹又唔會跑...回頭再睇都得 la..日出過咗就無得睇....你睇...個天已經慢慢開始光...我真係擔心會錯過時機....如果係咁...我咁早起身咪白費心機...

足足一個鐘....終於到咗觀日既地方....已經有好多人係到等...但係個天都已經光晒...真係仲可以睇到日出嗎?....司機叔叔話日出仲未到....仲要等一陣...我真係半信半疑....

其實我覺得哩到唔係觀日既好地方....因為四周都係高山....而且距離日出既地方好似好遠....我哋好難先搵到一個似乎可以睇清楚日出既位置....而且今日個天好多雲...真係越來越擔心 la...

已經等咗10分鐘...都仲未見到日出...天氣又凍....我哋2個又開始做埋 d 無聊嘢....做乜...咪係到練功....人哋 d 高人都喺係d 高山吸取天地靈氣....練d 所謂既外丹功.....我哋仲要咁早....一定事半功倍....

練完功梗係肚餓....好彩噚日上阿里山之前係嘉義買咗 d 蛋糕...唔係今朝咁早都唔知去邊到買嘢食.....係咪好羨慕我哋呢 ?...我哋係海拔2755公尺高空.....食早餐.....真係特別好味......無帶嘢食既人睇哩個日出...就真係饑寒交迫 la....真可憐...

死la....點解會有雲架....仲要啱啱飄到太陽上昇既位置...睇到日出既機會越來越少 la...好唔開心呀...

已經等到無晒心機....唯有玩下司機派俾我哋既2塊板....一藍一紅....透過有色既板望出去...真係有唔同嗎?? ...大家認為呢?....都睇唔到日出...都唔知作用可在...

好明顯太陽已經高昇...只係俾雲遮住....

睇唔到都無計.....大自然 既嘢...就係咁可遇不可求....雖說日出係自然景象...每日都有....但係都唔係人人都有機會睇到....既然係咁唯有自拍安慰下我哋失落既心情....

 

 

預約既野生猴子...

雖然睇唔到日出...好唔開心...但係回程既時候....路邊突然走咗幾隻猴子出嚟....司機話係佢打電話俾佢哋叫佢哋出嚟架喎...真係識講笑....不過同睇日出一樣...都唔係你話想睇就見到猴子架...我哋都算係好彩..

哩班猴子真係好乖.....又唔怕人....同香港馬騮山個 d 真係天同地比...所以我哋仲可以好安心咁同佢哋近距離合照...

我又唔記得咗.....拍 movie 唔可以打直部相機...大家將就下...打側個頭嚟睇la...

(no title) -

 

千年神木

今朝觀光團...最後一站係...全台第二既鹿林神木....據說有2700歲....樹幹直徑有6.4公尺...高43公尺....近距離睇真係好大棵....

咁會唔會睇清楚 d...?? 我哋企埋去...相機都差d 影唔晒....望上去..都好難望到頂...

神木入口....有個原住民係到買特產....有蜂蜜...有筍....wasabi...全部有得試食....我試完佢 d 竹筍後真係忍唔住要買....因為佢完全無我最唔鐘意個仲尿味....而且又爽脆...平時我哋係香港食個d筍...全部無咁好食...仲有呢位原住民阿叔教咗我哋一個食筍既新方法...就係配wasabi...果然係有另一番風味....大家不防試吓....

 

後記

睇日出...我建議各位去"祝山"...只要係阿里山坐小火車就到...因為我睇"這裡發現愛"既時候...都係介紹去祝山睇...都無介紹過"玉山"....而且去祝山比較近..又比較平...但反而要更早出發....因為要係漆黑中等待晨光既來臨....唔會好似我哋今次咁.....根本都唔係睇日出既過程..即第一道光...而係睇陽光...我簡直覺得自己好似係到挑戰陽光..= =.直視陽光....大家千其唔好好似咁衝動係嘉義聽到個阿嬸話睇日出就join 咗呢個日出團....不過參加哩個團...都有好處既...就係有人沿途介紹...仲可以睇到鹿林神木、夫妻樹、或偶爾見到既馬騮...去祝山就係純粹睇日出 la....

真係唔係講笑....再提醒大家..一定要帶夠厚既衣服...因為等日出既過程真係好凍...

竹筍真係好好味...連我阿媽唔鐘意食筍既人都話好味...大家有機會一定要試吓...