台中、台南之旅 - DAY 3 阿里山

拜拜喇...阿里山

返到阿里山都係7點幾....覺得有少少肚餓...所以就食咗個早餐....因為都唔係話太肚餓....都唔敢叫咁多....只係叫咗一個肉鬆蛋餅 share...同埋2杯熱豆漿......個蛋餅本身無乜味..所以要配醬汁....可加辣...我本人覺得幾好味....但杯豆漿就唔掂....無乜味而且唔夠濃...

食飽飽無嘢做....就四周圍逛逛.....有無見到 starbucks 同 7-11....

哈哈...一個水坑渠蓋都要有阿里山標誌....香港政府真係要學下...咁樣d 人想偷嘢買都無咁易...

哩集貓一直係到跟住我....你睇行到我腳邊 la....都唔怕人....唔知係咪流浪貓...但係都幾靚...所以忍唔住同佢照咗張相....

係阿里山 d 屋唔知點解都會有哩 d 大圓筒....唔知放乜....唔通係煤氣???

大家有無見到雲海? 係高山望出去就可以見到雲...仲要係喺同一個 level 呀....住平地既我哋真係好少機會見....

原來大部份民宿都係下面...我哋住個間都算高....如果間房有窗風景一定好靚...話晒高高在上...無遮無掩

行咗個圈...仲有時間...就返酒店休息...本來諗住睇吓電視...但不知不覺都瞓著咗...應該都有30分鐘...之後10:00 就係酒店門口座包車落奮起湖...

 

後記

成個阿里山之行...其實用咗好少時間...因為都無乜地方可以去...仲可以好多時間係酒店睇電視....所以我建議大家如果唔係咁想睇日出既話...大半日行程就夠....當然如果要去埋奮起湖就要一日 la..但可以唔需要過夜...因為酒店又唔係靚.....如果有車就可以去埋原住民居住既地方....

如果平日嚟阿里山都係唔駛準備....因為車同酒店都一定有....可以嚟到先慢慢揀....但就一定要帶長袖衫褲....因為一早一晚都好涼...

阿里山空氣清新....真係好適合嚟渡假..行吓山...食吓嘢...休閒過日子....不過上嚟一次費用都唔平呀....因為成個台灣之旅洗得最多錢就係喺阿里山 !!