奮起湖...咁都算一個景點??
由阿里山到奮起湖大概要一個鐘 ....係車到...我哋踫到一個台北女仔....好好傾....仲建議咗一d 係高雄既地方俾我哋玩....佢好利害..一個女仔去玩....真係唔覺得悶咩? 又無人分享...又無人幫你照相....我就真係唔會la....唔係唔敢...係唔想...
嚟到奮起湖...我哋第一時間走去買小火車飛...因為得一班驚無得買....哩到就係票務站 la....仲可以放低d 行李 係到....好方便...
買完飛 (NT240)....剛行出票務站...就有個阿婆行埋嚟問我哋要唔要車....我哋話已經買咗飛...佢話無問題...收返小火車既價錢...叫我哋俾張飛就得...佢會去退票....我哋唔駛再俾錢...咁我哋見佢可以等到我哋一點半....又比小火車快同早開....咪答應佢 la...但係俾咗張飛佢之後我哋就有d 驚驚哋....因為又一次渣都無...應該遲d差唔多開車先俾佢....唉...己成定局....唔諗咁多....繼續玩
第一站...車庫...裏面乜都無..得2個烝氣火車頭...所以照咗幾張相就走....
哩個就係奮起湖站既月台 la..係咪好細呢? 因為無乜車行駛....一日得一班上一班落...所以任你係路軌玩都得....
有無發覺我哋好鐘意同d 火車影相呢??....唔怕話你知...我哋真係一見到就影....不過之後去既地方應該無la....俾d 耐性睇埋哩幾張la....
下一站...四方竹林....
無呃你...d 竹真係四方嫁...
有無d 竹林深處人家既 feel ? ...但哩個竹林真係好細...就係得樓梯2旁....一眼睇晒...
鐵路便當...正 !正!正!
行完....就去咗食飯....哩餐差唔多係我哋要嚟奮起湖既最大目的...."鐵路便當"....因為好出名...而且有好多間....咁我哋當然去咗間最有歷史既"登山食堂" ....好似佢係第一間賣"鐵路便當"既.....哈哈...哩個都係我睇"這裡發現愛"...知道既....估唔到煲劇都有好處....
睇吓個門口....我影相個位係出便當架...如果你買外買就會係到攞...係咪好古色古鄉 呢?
原來...鐵路便當都有好多種....d 名全部都同火車或者職務有關...好得意....仲有大家有無發現外賣比當食平....NT10-20....同香港唔同呀....外賣仲要加飯盒錢....
而我哋...其實都無得揀...因為有鐵盒既得一種....叫"登山食堂"...我哋真係為咗個鐵飯盒而食哩個餐....仲要係最貴....個盒值NT260....諗返都幾貴...但為咗留念....無計la...俾就俾....旅行咪就係咁既一回事囉.....紀念品 點都要有 d....
值NT260既鐵飯盒就係咁勒...裏面有2層...有一對筷子..一隻匙....本來諗住個盒咁貴...第時用嚟做飯盒帶飯返工...物盡其用....但係點知 cris 話鐵盒唔可以入微波爐.....真係太失望...只好放棄....
個飯盒都好豐富...上面個層全部係前菜....總共有6種....下面有主要既燒肉同雞排....我哋都食晒所有野...好飽..但好好味....飯盒有咁既水準真係唔錯
湯同飲品都係任添....湯有2種可以揀...飲品係粉圓....
每個飲盒都有附送一張票...我係機關手...而cris係飯筒...我諗應該係唔同職務既人....好得意...
間舖既裝修都好有特色...大家睇吓係咪...
後記
當我哋食完...清理好個飯盒之後....個店員過嚟問我哋係咪可以執台...仲話同我哋洗乾淨個飯盒...咁雖然話抺過...但點都係洗乾淨d....當然俾佢再洗過 la...洗完佢仲俾咗個膠袋同我哋入好....真係照顧周到....所以大家下次去哩間舖食鐵路便當就唔駛自己清潔 la.....
嚟奮起湖真係一定要食鐵路便當...好味又有特色....值得一試...
沒有留言:
發佈留言