台中、台南之旅 - DAY 2 阿里山 - Part 6

我要係....台灣最高既郵局...寄信喇 !!

cris...話佢答應過個 fd 話要係阿里山寄明信片俾佢...咁我哋就走咗去搵明信片....但點你都估唔到....想係一個旅遊區搵張明信片都咁難....平時只會多到你唔買..可能連一間士多都會有得買...但偏偏喱到咩都無得買...有得買既舖頭都好少....就算有...都無款揀...喱d 係咪叫做犯賤 呢 ? ...有個陣又唔想買....想買個陣又無得買....所以最後我哋都係是旦買咗2張嚟寄....其實都已經係最啱心水架 la...木製明信片...仲有阿里山既小火車...都算有代表性

本來諗住寄俾d fd 當手信留念...但係我竟然一個 fd 既地址都唔記得...真係超失敗...所以唯有掙係寄返屋企....各位朋友唔好意思 la.....下次有機會再寄俾你哋....

呢到寄信...有特別既 chop....你可以自由隨便印...而寄一張明信片返香港就要 NT15

唔好睇外表好似好宏偉....間郵局其實好細..

你睇連個郵筒 都細過人.....

 

咁都算係中飯店嗎??

寄完明信片....又無地方去..就先返酒店攞房.....房間相大家之前都睇過...但你估唔到原來走廊同設施同一間賓館 無分別....點解咁講...我真係無屈佢.....水要自己係走廊攞...另外喺間房裏面竟然聽到隔離房既電視同談話聲...真係太誇張......而且我哋住嗰間房連窗都無......無空調家嘛....都唔知會唔會焗死...

而且呢間酒店好得意...會做廣播...即係每間房到有擴音器...可以聽到酒店既廣播....好似明天既日出安排...佢都係用廣播方法話俾我哋 d 住客知...如果咁啱唔係房...咪會 miss 咗....連打個電話都唔會....服務真差....話晒我哋都俾咗錢睇日出...佢都應該有義務交待清楚呀.......佢既突如其來既廣播...我仲要嗱嗱淋攞紙出嚟寫低.....差 d 都聽唔切同寫唔切....

 

高山菜...

喺房休息咗一陣.....6點多就出去食飯...真係好早...個天都未黑齊....我哋去咗呢間...."山芝鄉風味館"....食所謂既高山菜...其實我哋都唔知邊間好食...不過見喱間咁多人....應該無死咪入嚟.....

無搞錯....我哋係去食晚餐....喱張相喺第2日補影返咋....

我哋叫咗喱到既套餐...因為費事諗咁多...有咩食? ....NT300 有3 餸 1 湯...真係抵到爛....套餐裏面可以接受改一樣餸....咁我哋改咗個湯....要脆筍湯....但係呢個湯真係嘛嘛哋...因為好味精湯....不過就好多筍囉....

石板烤山豬肉....喱個餸我覺得好好味...其實有d 似豬頸肉...但係 d 山豬肉質就無咁淋...而且係配蒜片食...所有都好特別...生蒜片有 d 辣....食落好刺激...成味餸都係乾....完全無汁...亦無醬汁點...

高麗菜....本來以為係 cris 最憎食個種娃娃菜...紹菜...但點知原來唔係... 高山高麗菜有 d 似椰菜...但係就爽脆../清甜 好多....連話唔食嗰 cris ...都食咗唔少...

麻婆豆腐....個汁煮得好好味....本來我哋倆個都唔係好食飯既人....都食咗成大碗飯....就係為咗撈汁咋..

其實呢餐高山菜都無乜特別....可以咁講就係食到山豬同埋高山菜....如果有多 d 人就可以食火鍋...同埋食其他特別 d 既餸.....

不過哩到 d文化好得意...要自己出去裝飯...飯係免費...而且仲免加一..小費 添...所以都好抵食...

 

阿里山特產...

食飽飽...仲係咁早..無理由返去瞓覺....所以去咗行吓...睇吓有無阿里山特產買....因為聽講 d 高山茶好出名....咁我阿爸鍾意飲茶...買返 d 孝敬佢都好....

喱個唔係特產...係 cris 話佢個 fd 飲過好飲...所以我哋去 7-11 買嚟飲....比菲多..有幾種唔同味.... 我就買咗 d 最普通既提子 味....聽講話可以滑腸....幫助去廁所....又睇吓係咪咁犀利....

烤山豬肉片..本來都無諗住買...但係試過之後覺得幾好味...好脆...好似食薯片咁...諗住一人買一包...但佢又話NT250 / 3包...2包要 NT200...咁我哋咪買3 包...有一包當係零食係到食囉....

原本諗住買太陽餅...點知只可以擺 3 日...3日後就要放係雪櫃....咁3日後我哋仲係台灣...咁實唔得 la.....點買啫...

因為太陽餅有保存限期...先諗起豬肉片都可能得幾日限期...所以我哋又返轉頭問個老闆可以擺幾耐....好彩佢話15日....如果唔係我哋2個都唔知點樣食晒哩 3 包野....

吹吹下水...我吔就乘機問佢邊到有好茶葉買,,,咁佢就介紹咗俾我哋...話日日都係飲哩隻烏龍茶...飲咗好多年....但係我哋2 個真係唔識飲茶....,試完都唔知係好定唔好...咁見又唔難飲...又無苦澀味...咁佢又肯買 4 両俾我哋...咁我哋咪買嚟試吓囉....反正都係孝敬老人家....4 両要 NT400 算唔算貴呢?...包裝都ok 架....名副其實既高山茶....

行完買完野都係8點幾...無所事事....唯有返酒店抖抖....平時咁鐘意睇台灣綜藝節目既我哋....今次可以睇 live la...但係原來台灣除咗綜藝節目都無其也電視節目睇...唔同香港會有幾線劇....台灣最多都係得 8點檔...而且仲唔係個個台都有....

本來話要早 d 瞓...因為聽朝要3:45am 起身....但最後睇綜藝節目都睇到12:00....唉...真係服咗我哋....

 

後記

原來係台灣寄平郵去香港要差唔多10日....真係人返咗嚟...張明信片都未到...本來要俾驚喜屋企人...咁慢都變咗無...下次可能寄空郵會好 d...

比菲多...我飲咗都無廁所去.....我諗都係因人而異.....等我個 fd 仲話即刻見效...所以夜晚先飲...驚搵廁所...對我就無乜效喇....

至於個包山豬片...返到嚟我都唔記得話俾我屋企人知得15 日限期.....仲要我係台灣都用咗6日...其實得返9日...到我記得講既時候都已經過期 lu...淋晒...唔好食 lu...

平日既阿里山真係好少人...店舖又唔多...所以都唔熱鬧....比想像中真係差好遠...仲以為會好多遊客....結果我哋都無見到外國人...最多都係香港人....其次我哋買比菲多既時候係7-11 見到好大班國中生....其他時間都真係見唔到人.....

綜藝節目...之後我哋差唔多日日都有機會係酒店睇大量綜藝節目...平時去旅行...都無時間睇電視...好似我哋上次係台北..都無機會睇....但今次全個行程都無乜夜晚活動...所以夜晚大部份時間都係留係酒店休息....就係因為咁...搞到我哋日日都唔夠瞓...因為明明日日都要早起...但係我哋都無早瞓過....真係自己造成...搵哩搞

返嚟計過數後...發覺原來係阿里山用得最多錢...梗係 la...哩到樣樣都要錢玩....車費又貴....