台中、台南之旅 - DAY 1 高雄 - Part 4 六合夜市

夜市....好細哦 !!

今日最後一站係"六合夜市"...真係一個好細既夜市....不過嚟到台灣點會唔把握時間去逛夜市....我哋最想既唔係行街買嘢...係食台灣有名既小食...雖然我哋都去過台北既夜市...食過好多台灣小食...但係都唔想放過任何一個夜市...睇吓有無一些特別既嘢食....

但係嚟到高雄呢個夜市...真係有d失望....因為佢就係短短既一條街....食物種類亦唔係好多...就連我哋最愛食既雞排都無...真係奇怪...我哋仲以為係台灣夜市炸雞排係好出名...以為每個夜市都會最少有一檔...但係點知會無...好失落呀....而且呢個夜市無乜嘢買...主要都係食....

不過雖然話無乜嘢買...但係我就買咗一對水鞋...價格合理...我想要買鞋...係因為我除咗對濕晒既波鞋外...只係得而家著住既沙灘拖....擺明波鞋明天就唔會乾...無理由著對沙灘拖...所以唯有買對鞋可以落雨天著...方便又唔怕濕....真好...

行咗一個圈....終於決定咗要食乜...

因為上次係台北我都食唔到好出名既藍家割包 ...所以今次第一時間就買咗個嚟食...雖然唔係同一間..但係都想試...NT30 一個....我覺得完成唔夠熱...所以食落去無食熱勝勝既包子咁既 feel....其實割包係一個麵粉做既饅頭外皮...裏面夾咗d 肥瘦相參的滷肉，加上香菜，花生粉，和梅乾菜...所以一定要熱食先好味....下次有機會再去台北...我一定食到藍家割包..

聽講木瓜牛奶都好出名...所以就買咗一杯來試 (NT40)...好好味呀....但係 cris 對有奶既嘢都係嘛嘛哋...所以最後大部份都係我飲 la ....

意大利炸冰 (NT40)...故名思義係炸既雪糕...但係出嚟會係點呢? 真係好好奇...因為冰凍既雪糕放入熱油到炸....雪糕唔係會溶嗎?  ...答案係...唔會...而且感覺好奇妙...外面係熱騰騰既炸皮...但裏面依然係冰凍好味既雪糕...真係正....就係因為外熱內凍...外硬內軟...所以令人好難入口...如果唔係一口咬落去...雪糕就會流出來...只食到個皮...所以我哋最後都唔理咁多....好無儀態咁....大口大口咁食....不過真係好凍...有敏感牙齒既我...真係有d 頂唔住...anyway...真係好特別....好味...因為我揀咗我好鍾意既芋頭味...

最後一樣係...酥脆臭豆腐....上次係台北食過我好鐘意...因為臭豆腐炸得好脆....而且旁邊仲伴咗d 酸菜...再加上佢個汁裏面加咗蒜泥.....所以食落感覺好特別....好熱好脆...但口感好清爽...我咁鐘意台灣小食...係因為全部都係即叫即做...香港嗰d 大部份都係整好放係到...可能係香港人唔等得 la...但嚟到台灣我就寧願等吓...

食飽la...就喺我哋今日既高雄旅程中劃上完美既句號....明天就要出發去阿里山.....真係有d緊張...因為到目前為止我哋都唔知要點上去...都係去到嘉義先算....一切隨緣....

希望明天上阿里山千萬唔好落雨....因為天雨路滑上山...我都驚驚哋....太陽伯伯快d出嚟...我要同你玩遊戲...

 

後記

講真規模最大既夜市都係台北…好似士林、師大夜市都有好多出名既小食….就算一些中南部既小食…台北都係有得食…所以如果想食都係係台北….尤其去過台北夜市既人….對其他地方既夜市會失望…因此我哋今日係六合夜市真係搵唔到只得呢到有既食物…而且出名既都無乜…..全部食既係台北都有得食….

今日真係休閒既一日...全部行程都唔趕....因為確實高雄都無乜地方可以玩...真係有 relax 到...不過如果唔係落雨會更好......因為我係陽光少女....要見到太陽開心.....