又攰....又餓....
離開咗旗津...返咗酒店換咗對鞋.....先發覺原來我哋除咗係飛機上面食咗個早餐外.....成日都未食過嘢....加上做完劇烈運動....真係超餓.....所以第一時間搵嘢食....滿足吓我哋個胃...
第一站....係大仁路既.米糕城米糕....NT30 碗.....其實係糯米飯...不過煮得好軟....所以同食飯差唔多.....上面有d肉鬆.....肥腩肉...同埋好開胃既酸青瓜....因為有呢d酸青瓜....而且d肥肉又切得好細粒...所以都唔會覺得肥....可能肚餓關係....覺得呢碗米糕特別好食....我哋仲一人叫咗一碗...係咁多小食既台灣.....一人食一碗既機會真係好少...
第二站...係七賢三路既...阿婆仔芒果奶冰 NT55....真係好扺....之前係台北食一碗芒果次....就要成 NT165...雖然話係大碗d....多芒果d...但點都唔會有3倍....
我發覺奶冰比普通刨次好味....因為全部冰都有味.....但我最愛既依然係雪花綿綿冰....入口即溶...又唔會好凍....正....今次有機會都一定要食雪花冰
食咗d 嘢...個肚終於有返d 滿足感...可以繼續旅程 lu...
愛河....名不符實....
知道有愛河...係因為睇"這裡發現愛"既時候有介紹過...所以想嚟睇吓係咪真係咁靚....點知真係有差...而且都唔知個名係點嚟...因為聽到愛河...會聯想到浪漫...迷人既夜景....但我發覺並唔係這麼一回事....剛到愛河...天都未黑....所以更加無特別.....當天漫漫變黑....愛河2旁開始有燈...河上面既觀光船同埋穚旁既橙亦開咗....先至開始有d feel.....可能自己本身住係香港....最美麗既夜景都已經睇過....相較之下....愛河真係好少燈....所以唔夠吸引....更加唔夠迷人....
唔知係咪啱落完大雨....愛河旁有d 地方水浸....附近都無乜人...旁邊既路天咖啡廳都無人...只係得我哋呢d 少數既遊客....學生....同埋上咗年紀散步既人....因為無人....所以好靜....其實好啱情侶談情....因為黑嘛嘛...無人睇到你做d 乜....
河上面既觀光船.....都唔係好多人坐....因為都幾貴....當然其實佢唔止可以觀光....仲可以送你去另外一個目的地....好似鼓山輪渡站..或者其他輪渡站....到咗夜晚....一隻普通既船外面掛咗d燈泡....色彩好單調....不過係漆黑既河面上有發光既船漫行...都幾靚既.....
我哋2個...邊行邊影相....搞吓搞吓都照咗成個鍾.....好彩今次有帶腳架....先可以照到d 夜景...同埋合照...
後記
愛河...我哋只係行咗由七賢橋到中正橋個段....無再繼續向前行....所以唔知前面有幾熱鬧....後來係阿里山遇到個台灣女仔...佢話愛河前面會旺好多....可能下次有機會去就再行多d 吧 !!
係高雄既步伐真係好慢....可能無乜地方可以去...所以都唔駛急 ....變咗好多地方都可以慢慢停留....同台北要把握每分每秒既感覺....真係好唔同....
返嚟再睇返d 高雄既旅遊指南...都無乜地方係一定要去而 miss 咗....唯一可能係無睇高雄港既夜景la....不過任何地方同香港比.....都係差 d
行程係咪妳自己plan架?
回覆刪除我都plan緊, 仲有幾日就出發, 驚plan唔切去唔成...
酒店/ 民宿應該點book? 上網定walk in?
可唔可以俾啲意見, 謝謝~
我係一個背包人~
[版主回覆03/10/2009 19:18:00]係呀...全部自己plan...有好多酒店都出發前 book 咗先...但係因為中間行程未定...所以有d 去到台灣頭1, 2 日先book...你想book 邊到既酒店 / 民宿? 民宿因為房唔多...所以最好book 定先 !!
謝謝妳覆我呀~
回覆刪除啱啱改咗四月先去~
其實最擔心都係住宿, 上網雖然可以搵到好多資料, 但係都唔知實際地點, 即係會唔會遠離市中心或火車站等等...
若果想book, 應該直接上網book 定都係要搵agent book定先呢?
plan呢家嘢真係好花時間, 妳有無買書自己睇, 定係有朋友有呢啲經驗?
[版主回覆03/10/2009 21:42:00]我係買咗幾本書自己 plan...其實我全部酒店 / 民宿都係上網 book...但係都係直接同間酒店 book...咁會安全 d....我多數會搵地圖睇下間酒店係邊...再決定book 唔 book...其實有d民宿都唔駛既時俾錢....好多都好好人.....
自己plan = 冒險....好多意料之外既事...行程都會時時改...今次台灣已經係改得最少....我試過去歐洲...成日既行程都改....去到一個城市先上網搵下一個城市既酒店...其實只要你唔係旺季去...唔駛擔心無酒店
我之前住過台中, 清境, 阿里山, 高雄, 墾丁....如果你都去哩d地方...我可以介紹我住過既酒店 / 民宿俾你....
原先個plan係諗住由台北落台中上亞里山, 但睇到墾丁好似好靚 (我影相為主), 又見妳係喺高雄落機 (我係唔知可以咁去, 同埋機票平啲), 所以都想大約跟妳個plan咁去...
回覆刪除初步 高雄 --> 墾丁 --> 高雄 --> 嘉義 --> 阿里山 ---> 奮起湖 --> 嘉義 --> ????
清境喺邊呀?? 暫時未有資料添...
未試過自己plan出外, 全部跟團, 唔好笑我啊~
妳地個旅程都有好多有趣事, 值得回憶~
[版主回覆03/10/2009 22:51:00]係呀...我好 lazy...都未寫晒....咁多日既嘢....我總共去咗7 日....清境係台中附近...我去完阿里山再去日月潭....再去清境...最後返去迥雄再去墾丁....
清境係我成個旅程最推介既地方...因為有綿羊 show 睇....又可以親親大自然....唔錯架....而且係高山上仲可以不時睇到霧 tim.....你可以考慮下
自己去真係好好.....你會好清楚所有地埋環境....又可以睇驗當地生活...去完好有滿足感....當然搭車時間可能會比較長....
你返嚟仲可以一齊交流下心得...
哈哈~ 見妳篇遊記係08年, 仲以為完咗添, 原來仲有咁多日, 有無諗住打埋佢, 俾我參考吓都好呀...
回覆刪除弊啦, 原來仲有咁多地方, 要努力啲繼續plan...
覺得妳真係好好嘢, 我plan到頭都大, 暈暈地~