算死草

噚日因為班大陸老落咗嚟...我老細要陪佢哋...所以大家改為今日先上廠...所以約咗8:30車係羅湖等...真係好早...我同事今日返工既時候問我今日返大陸為乜...又唔係特別夜走...又唔係要過夜....來來回回咁坐車...真係浪費時間...我好快咁答佢話...以佢哋算死草既性格...梗係覺得唔上廠咪益咗我哋....所以今日上都要約8:30....咁上到廠都係9:30...咁6:30先走都係做足6個鍾...點知人算不如天算....今朝塞車...成10:00鍾先返到廠....

其實6:30走都有段故...本來廠自從收5:30後...俾司機食埋飯..我哋都係走5:45..到6:00...點知唔知係咪有人計過覺得好洩...以前成7..8點先走...而家咁早走...所以就係到大大聲講..."5:30..同6:30走都係一樣時間返到香港....夜d走無咁塞車"....但係6:30走呢樣嘢...只有係有我哋呢d外人員工係到先係咁做....平時得佢2姨甥既時候..佢哋係5:30即走...甚至4:00, 5:00..都試過....我哋係香港都知道佢哋咁早走la...佢哋真係唔好當我哋係傻仔先得架...仲要做台馬騮戲俾我哋睇....,真係唔單止員工要做戲俾老細睇...連老細都要做戲俾員工睇.....而且仲要日日都上演....

只係又係諗唔明...我同呢個同事都係辭咗職....仲做戲俾我哋睇做乜?? 我哋都無眼睇架la...真多餘...好無聊...可能做慣咗收唔到....