講壞話

今日發咗一件超級好笑既事....以前既我...一定會好嬲...但今日既我竟然會笑得出...我第一時間講咗俾一個同事知...佢都好驚訝..同埋覺得好好笑...所以我話無論如何我都要係到同大家分享下...

其實公司同事一直都係用skype溝通..打message...所以某d麻煩既同事就好鍾意...有事求你就用skype...要出風頭表現自己既時候就狂出email 追擊人....

唉...我唔係想講呢樣...因同msn...icq一樣...skype 都係可以同時有好多個chat room...同一時間同唔同既人傾...所以某是非精....我會形容佢係"篤背脊天后"...我相信一直有follow 我公司既事既 fd 一定知道佢係邊個...佢唔覺意咁send 咗..講我壞話既...message 俾我...唔講咁多..大家睇吓段message 先...

[12:43:37] xxxxx 說 : 都話個PKF, 傾完計就淨係識追野.
[12:44:07] xxxxx 說 : SORRY SEND 左.
[12:46:42] xxxxx 說 : Send錯左, 不是有說你.
[12:46:58] xxxxx 說 : 不要誤會.

以上對話我係直接copy...所以大家會有好多發現....好似..佢 send 咗第一段話既時候...其實我都未嚟得切了解係咩意思...咁佢已經好緊張咁想同我講話send 錯左...咁啱個陣我老細又係到同我講緊嘢...所以無理到佢....咁佢見我無回覆...過咗2分多鍾後...佢又再send 嚟再澄清係send 錯...唔係話我...仲叫我唔好誤會...本來我都未必一定知道係或者覺得...甚至肯定係講我..但見到佢咁緊張..我可以肯定...PKF...就係我...真慘...我竟然被人用PK容易....其實當時心裏真係會有d唔舒服...但係又諗到我都辭咗職...返多3個星期都唔駛再見到呢班八婆...我又何必咁上心....更何況我一向都無當呢個同事係朋友...應該話..我連同事都無當.... 真係可以話係一個不相干的人...咁又嬲嚟做乜...由個刻開始...我再睇返呢段對話我就覺得好好笑.....

其實全間公司既同事都知道...呢個人好鍾意搬難是非...而佢既對象...當然佢用咗好多年去巴結既老闆娘...佢阿姨講la.....不過佢重來都無係當時人面前講...即係講我既時候最少無被我知道...所以佢今日真係好失策...竟然破功...俾我知道...真係千年道行一朝喪....我真係覺得佢好可憐....因為佢明知我會同...其餘2個同事分享呢個笑話....

係呢件事..又一次証明"此地無銀三百両"...."清者自清"..."越描越黑"...係咪一回事...

不過我最諗唔通既一樣係...點解佢仲要花咁多時間去講一個都就嚟走既人呢?...我唯一聯想到既係...佢好想我走...但係驚我老細會留我...而我又會留底...所以唯有出嗱喳招...真賤....真係慶幸我已經跳出咗呢個火圈....