黑仔 + 沮喪

今日因為星期六唔駛返工，所以把電話鬧鐘關了，昨天睡前又忘了調，所以就睡過頭，約了8：30車，我8：20才醒！因為今天約了客不能遲到，所以用了$100搭的士去深圳灣口岸，真係好彩近，15分鐘左右就到，最後都只遲了20分鐘，這刻還想自己好彩無跟老細車，如果唔係客連我老細一齊等我，我就慘了，廠長他等等我還是ok!雖然要人等都不是我作風！

諗住唔知醒都已經夠黑，一般唔塞車的話其實45分鐘就到，這樣算來應該同我老細架車差不多時間到，點知人算不如天算，深圳灣附近因為今年要舉辦的大學運動會，四處在修路，所以勁塞車，塞了成個鐘才上到高速，雖然唔知我老細他們幾時到，但我就遲到了1個鐘，見到個客已經第一件事狂道歉，他半講笑的語氣話等了我已經2個小時，算了他係客，我唯有再鄭重的跟佢道歉！我想這樣應該ok了吧！一般客都無乜所謂，反正我老細又係到，開發工程又係到，討論新產品技術問題，關我事的一定唔多，最多做下記錄，翻譯下！ 點知之後個客不知是真記仇還是開玩笑，竟然因為他說一句後我一聲感嘆，跟我說「you should get out of the room」，然後轉頭同我老細講「she is so bad」，我完全唔知自己做錯了什麼，我有錯嗎？之後我不再出聲，連呼吸都唔敢咁大聲！費事又唔知點樣踩親佢條尾！

會一直開，但之後佢又好似無野咁，同我說話，看到我iPhone個後備電又問我係咪來，最後還叫我幫他買2個！之後佢在我老細面前讚我，唔通因為幫佢買個電就又無事？ 咁佢係客，佢話點咪點囉，只係佢想點都要說清楚，最憎無端端被人話都唔知咩事，自問跟佢個project都跟到好足，其他我還會有時任工程那邊自己搞！我control 住個budget 同schedule就算！

唔係我偏見，但美國人真的很討厭，永遠都係佢啱，唔信人唔聽人講，唔理人感受！當黃皮膚的人不是人！真的氣死！好彩我老細都知我為人，佢都係陪笑下就算，唔係我真係被人整死都唔知咩事！

今天才是第一天，已經黑到爆！還有連續4天的會議，明天也是美國人，不過是另外的，說平時跟我關係也很好，但還是有點怕！真係好沮喪，都唔知平時咁辛苦為乜！

我要真的要聽下龜的元氣歌充充電！如果能看going看到龜更好！不過我今天要為龜做點東西開心下...有時間就POST出來...先賣個關子.....