出差實錄

哈哈....返嚟差唔多3個星期...終於有時間寫返出差既經過...

講真成個過程都好尷尬....同Dickson 之前既唔要面既情況真係差好遠....經過今次既出差我發覺...我前後2個老細性格簡直係天壤之別....好極端既相反....所以我用以前同dickosn 相處既方法同antony 相處完全唔work...講到哩到不如同大家分析下...我2個老細有幾唔同....

	Dickson	Antony
機票	一定要最平	要舒服..所以坐CX
錢	唔會簽卡, 因為有手續費..所以會換好多現金..連酒店都會俾現金	我問佢駛唔駛換錢…佢話都唔駛la..我哋2個人去3日都唔駛得幾多錢…而且多數都係簽卡
	要我哋管開支…因為要我哋做返盤賬俾佢	全部佢袋..佢俾..單都唔駛要..只係俾少少錢我旁身
出發前準備	做死我哋..又要辦又要帶一堆 catalogue…文具	基本上無嘢要帶…要帶嗰d嘢都係我自己帶..佢基本上無要求..更加唔需要帶辦
交通	唔理你係咪攞住好重行李, 死都要坐火車地鐡慳錢, 所以出發前一定要查定所有火車時間表	一出機場就坐的士, 完全無諗過要坐火車, 往我仲查定晒時間表, 根本無用
住宿	成日要住民宿, 要同佢share 一個地方…完全無自己空間	住酒店…唔駛煩
食	因為佢成日出差就生"飛滋", 要我哋陪佢食中餐…你知la..係歐洲d中餐真係唔好食..我記得第一次去cologne…我同我同事仲要自己要求出去食德國菜..佢因為自己去過都唔理我哋感受	餐餐都問我食乜…我哋第一時間就食地道德國菜…之後佢驚我再食德國菜會厭..仲問我晒唔晒食其他…
行fair	行得超慢..	適中…與到有興趣既會停留下..一般都行得好快
	唔休息..一定要行到last minute…好似行少d會有咩損失咁	我哋每日大概4 點到就返酒店…又唔係一早去…
	又要你攞晒d catalgue…見你重都唔會幫你…係要到你黑面先理下你	根本唔駛你攞 catalogue…係我覺得去到要攞返d嘢先攞….因為我本身已經攞緊公司既catalgue…所以都好重….但係因為行下又休息下…我都唔會表演俾我老細睇好重…一直都頂住…其實我跟細頭2日都唔知我個袋攞住d咁重既嘢..因為由頭到尾都我一手整…佢都無睇過….係到最尾個日攞出嚟俾個客睇…佢攞上手先話.."哇..咁重"..之後嗰晚行完 fair 去食飯…佢仲幫我攞袋…我話唔駛..唔話咁重你都攞咗成日..我幫你攞陣la…搞到我勁唔好意思…要老細幫我攞嘢..
	成日行到過咗lunch 時間都唔食嘢	佢成日好易餓…所以好準時食飯…
	要食平…最多係食三文治	完成對三文治無與趣…所以都食得幾貴…(會場d嘢都係好貴)
	一定要我哋幫佢叫埋攞埋	自己買自己…有一日因為好長龍..老細話我去一次過買..費事排2次隊…再幫我攞..其實又駛乜佢攞 ar…我都慣咗照顧人
自由	完成無..因為除咗瞓覺…基本上佢都要同我哋一齊…就算我哋要買嘢佢都要跟埋一齊	根本上勁多自己時間..佢仲同我講.."你可以自己出去行下wor"..因為佢要係房check email..我又無電腦…
email	一定要你有方法check 到email..唔係我哋就死梗	根本除咗行fair…無工作…佢都唔會要求我用佢部電腦 check email
交流	不停同你講嘢..所以都唔會有乜尷尬時間, 因為乜都講	基本上無乜交談..都係閒聊幾句..或者工作上既嘢…而且我同佢講嘢都好小心…感覺上佢對我都係
依賴	100%..一定要服侍佢..連印機票…check in..都要一齊, 係飛機當然要一齊坐la	100%獨立, 機票e咗俾佢..佢都自己 print…自己online check-in..check 李…又唔駛一齊坐…全程機都 free… 最好笑..我哋都無約埋去機場…都係臨上機前係候機室見一見…應該話都係我打電話俾佢..先見到佢一面…唔係就等落機先會見到
認路	一定要我哋帶佢..佢一定唔會睇地圖…只會企係到等你	認跟超強…根本唔駛我…全程佢帶路, 而且佢睇地圖既速度快我好多

 

因為佢哋既徹底唔同...搞到我無從適應.....因為我而加老細...我都變得好獨立...而且等於一個人係外國...好悶...真係好懷念以前同我同事一齊出差既日子....真係好開心...有傾有講...雖然老細煩d..都算la....

其實今次仲有d 趣聞可以分享

• 買機票個陣..因為係平機票所以無飛行里數...但我老細竟然要考慮要俾多$2000..買有飛行里數既機票...如果係dickson..肯定要平 $2000 先la...仲駛諗...


• 佢第一晚約咗個客食飯...其實個客係我跟...但係佢竟然唔叫埋我一齊....唔知係咪有秘密嘢唔想俾我知...所以叫我一個人食飯....當時第一日去到都幾 down 架....突然覺得自己好慘...無人理...因為dickson 同咩客食飯...就算唔係我跟既客...都會要求一齊....真係好唔同...嗰晚一個人去火車站買咗個三文治同支水返酒店....而且食完好早就瞓覺....


• 行咗第一日..我老細已經想由3 日行程改為2日...因為第一日都差唔多行完我哋想睇既....其他佢都唔係太大與趣....咁我同佢講話平機票如果要改要$1200一張手續費...而且又俾咗3晚酒店$...咁會雙重損失....後來佢諗起最後一日佢約咗個客....所以佢竟然叫我如果酒店可以退錢自己走先...我嗰刻真係俾佢嚇親...都唔知講乜...只係答咗佢一句"好呀"....我一到行一到係到諗我要點樣改機票....因為第日係星期日...我哋訂機票既旅行社又無開...都唔知點好.....唔通真係去到機場先算咩...嗰刻真係覺得好無助....仲覺得老細有d無人性...因為又要我一個人食飯..又要我一個人走先...唔知佢係咪覺得我無乜用.....好彩後來酒店都唔肯退 $...先唔駛早走.....


• antony 真係好無記性...出發前佢話佢做張price list...最後佢都唔記得咗....


• 而且佢都幾大頭蝦....佢個pass...過咗第一日就唔見咗....第2 日搞咗一輪先入到場....但人係尾第3日又搵返


• 老細完全唔會主動打電話俾我.....由頭到尾都係我打俾佢....如果我唔打...唔知佢最後會唔會打俾我...定係其實想試下我呢?

其實成個旅程佢都無表示過我做得好定唔好....我真係唔知佢滿唔滿意我....佢乜都唔講....重點係一定唔會主動同我講....我唔問佢都唔會話我知想帶咩出差...想我準備d咩...真係慘....跟antony 做嘢真係要好獨立..因為佢真係好少俾 instruction 人.....要不你自識點做...要不你係咁問佢...基本上佢都係問一句答一句...都唔會話講多d俾你聽....有時都唔知佢會唔會覺得我好煩....反正我盡力 la...

今次出差唯一好處就係拉近我同佢既距離....算係比較熟 la...但以後最好都唔好叫我出差....