噚晚我一個人去咗睇飛輪海演唱會...因為鍾意吳尊....所以想睇....而且又唔會有人唔低能有興趣睇哩d所謂既偶像....啱咪唯有一個人去睇....
原來一個人睇演唱會既感覺都唔差....但係旁邊既人就會覺得我好奇怪.....我相信大家都對我指指點點....不過都預咗...所以又唔係好大感覺.....
一個人睇...會好靜...唔肯叫出嚟....都幾辛苦....又無得分享......但係係無人陪既情況下...一個人睇都唔係壞事....你知 la...無男朋友既我.....唔係咁意搵到志同道合既 fd 陪我做每一樣嘢....
經過今次一個人睇演唱會...我諗我會開始一個嘗試好多嘢....例如睇戲....因為真係唔係時時都咁啱有人想睇你想睇既戲.....
講返個演唱會....當紅偶像...真係特別唔同....差唔多全場都係超級 fans....我都未見過咁多燈牌....人氣真係爆燈....但係因為各有寫唔同既名字...所以好明顯睇得出辰亦儒係最無人氣嗰個....唔知佢係台上見到會有咩感想呢...當然人氣最高既係大東同吳尊....
至於唱歌方面....慢歌還好...但快歌唱現場真係...唔知佢唱乜..又走音...又唔啱拍子....總知問題多多...係d fans 先覺得好聽....但係d氣氛就一流囉....因為全場喝采......但係現場表演...佢哋真係要加強.....唔係唔可以紅得幾耐....好易被人淘汰....
成晚我最愛既吳尊....都好多時係我個邊..講真我個位真係嘛嘛....算偏好側....如果佢哋唔轉頭望個嚟...成晚就只係睇到佢哋既後面同側面....
我的評分:
沒有留言:
發佈留言