潑婦

今日臨走前聽到2個同事係到對罵...佢哋由內線罵到出嚟....當然係為咗工作上既嘢...但係真係仲誇張過我以前....以前就算點樣同"巴敝人" 唔啱都唔會係公司大罵....話晒都有其他人聽到唔係咁好.....但係哩到既人....真係事無忌憚....想講就講....想罵就罵.....其實我都唔係第一次聽到....2次主角都係我部門既外一個阿姐....簡稱2姐....因為大姐罵人無人敢駁咀...但係2姐罵人對方會開聲.....我係同一個部門...我都怕我會變成咁...因為我以前我就係咁...因為唔想咁先轉工...如果又係咁??? 我會好討厭份工.....所以我現在盡量都用有善既態度對所有人...但係我覺得我都會有發惡既一天....好唔想嗰日既來臨......

女人真係好麻煩...因為每次都係女人.....女人真係要做潑婦嗎??? 我自己係女人..我都唔想做女人....我好鐘意同男人打交道....可能男人都會講是非....但係講完就算...針對事唔會針對人...但係女人記愁...鐘意搞小圈子....針對人....我好唔鐘意....我唔想回到過去....唔想返回是非之地...但有女人既地方又點會無是非...我唔會太天真???