29週年廠慶

今晚係29週年廠慶....公司係尖沙咀擺咗幾圍......本來大家都開開心心...但係當大老細致辭既時候...成個氣氛都變得好緊張...好嚴肅...簡直好似質問大會咁....對住 d 元老級人員講"唔好以為自己做咗幾多年...就可以點....我話你知你乜都唔係呀...無d咁既嘢架...."...又同工程大佬講...."咩係工程呀??? 專業嚟架麻....你而加做緊乜呀???"...."哩年係咁多年做得最唔好既一年...你哋開心d乜"....."唔好以為會有人工加...唔係架....你問下自己做咗d乜先la....值咩???" 總之就好掃慶.....最重要係....佢竟然係致辭時提到我...."阿妃...唔好輸俾 xxx (上手人)".....

跟住當我去同大老細祝酒既時候....佢又同我講嘢...叫我加油...有乜 idea 直接同佢講...唔駛怕大膽 d....根住又同佢個仔我老細講"你帶住佢呀....記得帶埋佢去美國"....我都好驚佢對我咁大期望...我怕佢會好失望....因為我點樣比都唔會叻過我上手.....我都唔知可以點做....壓力好大....唉!!唔諗得咁多....唯有做好自己...