無形壓力

 

 

有人問我新工壓力大唔大...其實工作壓力就唔大...但係就有 d 無形壓力..好似

 

1) 老細英文好叻....搞到我出個 email 都咗諗又諗...怕 gammer 錯或寫得唔好....令佢覺得我英文唔掂...係佢面前講英文就更加......好似今日同客開會...聽到佢隨心所隨欲咁講英文...都係好大壓力...好彩無乜野我要負責回答....唔係真係想死...除咗6年前畢業出嚟做嘢英文曾經係壓力...好耐都無咁既感覺...

 

2) 公司有d 氣勢迫人既人...好似我老細同我部門個阿姐....佢哋都係好惡...好鐘意罵人....每次聽見佢2個罵人....都會心寒....雖然唔係罵我...但係都會心跳加速....好彩我係直屬老細....唔駛點同佢哋接觸....只要平時低調d...禮貌 d...我諗佢哋都唔會對我有 d 乜...

 

3) 人事關係....係我最怕既一樣....工作忙...壓力大...唔夠瞓都係其次....由始至終我都係最怕是非....暫時我都唔聽見公司既人講是非.....但係始終都係有女人既地方...我都驚..而且聽到朋友話被佢公司 d 妹妹杯葛....搞小圈子.....雖然話我公司d 人都結晒婚....但係講是非哩樣嘢真係無分年齡....所以我都係個句...工作就工作...盡量唔得罪任何人.....低調係我既宗旨....

 

我只係想好好工作....其他嘢我真係唔想理....