奧運直擊 - 中國女排慘敗給古巴

因為噚晚去咗街...所以今日先有機會睇返中國對古巴呢場女排分組比賽...雖然都已一早知道結果...但係都想睇吓中國隊係咪情況下...會先贏2局後反輸3局.....我覺得真係有原因...今次中國真係太輕易取頭2局...所以感覺佢哋無乜危機意識...到佢哋醒過來既時候已經陷入苦戰....

第1,2局....古巴真係好似發緊夢咁....機乎中國所有攻擊都得手......好似黃一梅球球得分...真係太過容易就先取2局

到第3局...一開始中國都打得唔錯...但係慢慢古巴2個重炮(1,12號) 發力....中國開招架唔住.....相對之下中國既攻擊能力係無咁強....結果俾古巴攞返一局...

第4局....第3局贏唔到...真係中國一個好大既錯誤...因為似乎運氣全部都係古巴嗰邊.....分數值咬得好緊...中國先到 set point....但未能把握....結果連續7次 set point 都攞唔到最後一分......最後....古巴只係一次set point 就成功...以3:2 獲勝...

場波真係超級傳奇....真係無人會估到中國會先贏2局後再輸3局....話晒2隊波既實力都好近...唔應該係中國先輕鬆取2局後又不經意的輸3局....感覺場波一開始係強弱懸殊....突然又變成龍爭虎鬥...可能係咁中國既心理質素唔夠強而堅持唔到最後古巴既猛力攻擊....而且中國由第3局開始...攻擊都唔夠乾脆....反而古巴就次次都得手.....

睇咗中國咁多次...我覺得佢哋整體實力唔夠....雖然話有重炮黃一梅...但係水準唔夠隠定...打順景波就好似好景..打逆景波就明顯差d....總覺得中國欠缺咗d有大將之風既人.....好似呢場波...我覺得打得最好係隊長馮坤.....好多次都係靠佢救返d 55波....

呢場輸咗...中國可能唔可以以小組首名出線...咁就可能一出線就有機會對強隊....不過仲有希望...如果之後既比賽中國勝而古巴輸...就仲有得計吓分...

中國加油 !!!