Last Day

終於到咗最後1日….本來諗住自己心情會好複雜…但反而係出奇的平靜….好似一心諗住要走咁….希望快d做埋d 嘢就走人….從此就唔駛唔開心…所以今日其實一日都好似打仗咁...

食飯既時候....真係有d尷尬...但係呢d門面嘢唔做又唔得....唯有挨過去...

越來越近放工時間...發覺越來越多工作未做....又唔想全部唔做就走人...所以唯有加把勁做....但係係我最忙既時候....我個巴敝同事....狂係到問我嘢....好似要我走之前要搞掂所有嘢.....我真係賴得理佢....不過當然la...佢無咗我..佢就要自己跟返....根本就係死路一條....

以為自己會好唔捨得...但見到我老細既所作所為後...根本唔會同情佢....而且又唔嗱嗱淋請人....我真係替大陸個同事擔心...佢一個人而家要做我哋3個人要做既嘢..仲要部門既其他人都好廢...完成幫唔上忙...其實佢真係好慘...上個星期我同佢交接既時候佢都講到就喊....梗係la..點做呀...

今日終於見到有人上嚟見工...又係咁...我都唔明...佢要係我走個陣....先請人...真係怕我帶壞d新同事...佢又唔諗下...如果早d 請..咁佢自己同大家都唔駛咁辛苦la...真係唔明佢諗乜..諗嘢只係諗埋一邊....

搞吓搞吓...都成9:30pm....仲要交返 d 財物俾老細...終於都要搞到10pm先走得....

舊同事打嚟我心情如果...我覺得好開心....雖然做到10pm...但明大就開始放大假...真係好開心....

係呢間公司...因為無乜機會放大假...所以加埋咁多年...d 出差補假都有成32日...真係咁又多一個月糧...真係唔錯.....

唔駛返工...都唔知自己慣唔慣...唔理得咁多la...都已成定局....好好計劃吓假期要點用先真...因為真係好難得...

p.s..因為走得太急...有d野都未執好...康晴媽媽...有d 野到拜託你la....