用到盡 !

我真係越來越憎老細既作風...前2日仲等我咁唔開心...又唔捨得...經過今日..我想即刻走....

咁事源係有2件事

1) 我哋最大個客約佢1/8開會...咁佢話佢"單拖"..好驚...咁叫我同個客改期...我咪話囉...你以前都慣咗單拖 la..無問題....佢話會同呢個客溝通唔到..因為唔係吹水...所以佢想我陪佢去開會...但我心諗我最多咪幫埋你呢次.....咁之後又點?? 都唔面對現實

2) 咁做工作交接...我問佢係咪所有事都交俾大陸同事....佢話係...咁我話連錢都話俾佢聽? 佢話係....咁我咪話好囉...跟住佢就話有問題會打俾我問我? 我話我走咗之後我又保資料, 都唔記得la...哈哈...佢竟然同我講佢叫我囉埋部電腦一段時間....方便佢問我嘢...我聽到即刻啤佢...佢見我啤佢...就話咁當然睇你介唔介意....佢話金小妹都係咁..佢唔介意..又話唔會成日搵我哋...係真係有事個時先搵我哋...原來金小妹走...都係帶埋公司部電腦...真係不可思議....你話佢係咪有問題?? 我都未見過人....d 員工離職仲要鼓勵人帶走公司資料...所有公司都係驚員工偷偷自己帶走...仲要想盡辦法阻止...但佢偏偏相反...而且我唔做...都係唔想再接觸呢d工作...你又叫我幫你...你係咪有問題??? 我點解仲要有義工??? 佢係咪痴線...點都好...就算我真係帶埋電腦走...但佢搵我我都可以唔接佢電話...我都已經唔係打佢工....佢都吹我唔脹...如果第時佢要攞返部機....我都唔會埋佢...除非佢入嚟屯門攞...唔駛指意我會主動攞返公司俾佢...佢真係唔好當我傻仔...用人用都咁盡....我都未見過人咁衰格....

因為咁...我又變得好唔開心....好想快d走......因為再對多佢一陣我會顛....