赤柱

今日同包包去咗赤柱....陽光真係超好.....好適合游水...但係我哋今日只係去咗逛逛...

其實我都好耐無去過赤柱...真係無乜印象...上次堂細妹嚟係我細佬負責帶佢去....所以今次我好似從新認識呢個地方

我哋係銅鑼灣坐小巴入去...超快....只係15分鍾左右....因為係星期日....好多人....去到赤柱...第一件事係搵野食...由呢即開始麻煩事就嚟....剛咗低....包包...就話唔要坐 BB 櫈...跟住就話唔要係到食嘢...又話唔要食嘢...又叫我哋走...總之就係到發脾氣.....又叫又喊....由於我哋3個都無埋佢....包包竟然自己偷偷喊同抺眼淚...超好笑....跟住搞完一大輪....最後又咪要食嘢...最好笑係當個waiter收晒所有嘢之後....佢竟然話要食嘢.....咁佢阿媽咪話出去再買嘢食...咁包包就發脾氣話要係到食...你話係咪玩嘢.....

(no title) -

(no title) -

 

之係我哋出咗去玩吹波波....因為佢契媽買咗個 hello kitty 吹波搶俾佢....但又係好好笑...佢竟然話唔鍾意 hello kitty...要買灰姑娘.....ha...真係睇得電視太多.....

陪小朋友玩真係好攰....而且又熱又晒....所以我都坐咗埋陰即位置....我哋3個就好似輪班....輪住同包包玩...

(no title) -

終於吹晒....但係就玩到成身濕晒....仲要換衫添....唔係我哋..係包包...哈...佢係女廁除晒所有衫....仲沖咗個凍水涼.....乾淨晒

可能真係玩得好攰....之後行街既時候...佢一定要我哋抱...唔肯自己行...真係俾佢激死....而且2歲幾既小朋友真係好重...抱到我手都斷.....我之係肯定死梗....我抱一日都搞成咁...阿媽真係唔易做....

之後去咗玩d 攤位遊戲...包包做咗幅彩沙畫...但其實佢只係負責倒沙...其他都係我做.....

之後仲好笑包包倆母女一齊玩....我都唔知叫乜...你哋自己睇吓la....包包玩咗幾次...仲要求阿媽同佢一齊玩

(no title) -

(no title) -

最後佢哋3個走咗去畫畫...我就負責照佢哋...

(no title) -

 

小插曲:

1) 今次去赤柱由計劃時包包就好抗拒......話唔要去赤柱...但實際上佢又未去過又唔知係邊.....真係好難搞...所以我哋一直都無話俾佢邊我哋係赤柱....唔係佢阿媽之後有無同佢講返...又唔知有乜反應.....

2) 包包又唔怕狗又唔怕鬼仔...佢竟然衝埋d狗到....同佢對視....連d狗都怕....之後又同攞鬼仔d玩具嚟玩...真係好大膽

更多照片: 可以係相薄睇"赤柱@08.07.20"

更多影片: http://www.imeem.com/people/zUSxZwX/video/