蕭敬騰簽唱會@apm

哈哈....3 個傻人....繼楊宗緯之後又一次追星...而且今次又係台灣歌手....上次係楊宗緯...今次係佢係星光既PK 對手蕭敬騰...我會想睇佢係因為想睇吓佢同楊宗緯邊個唱演唱好聽D...因為我由唔係太欣賞佢...到佢今次出碟....開始鍾意聽佢既歌....我可以開始明白當初佢點解會同宗緯鬥到你死我活....因為佢哋2個實力都真係好強...

現場聽過佢哋2個唱歌...我覺得大家都唱得好好...絶對係唱將....但比簽唱會時候既表演...我覺得楊宗緯既震撼力都係大D....感動大好多....就用"洋蔥"同"原諒我" 比...其實都係好有感情既歌...但係楊宗緯唱演唱既時候個種震撼力真係大好多.....好好聽而且好有感情...但係蕭敬騰都唱得好好聽...感覺真係同聽CD 一樣...好正...只係差咗D 現場即興表演.....

今次安排都好特別...係7:30PM 開始...所有好早就有好多人嚟等....我哋好難先搵到一個好位...而且仲係好好彩添....我哋4點幾去到...足足等咗3個鍾...好彩我同金小妹今日係到傾行程...所以時間都算好快過...

可能因為係夜晚..,我覺得個 RUN DOWN 好趕....比起上次宗緯同樣係apm 搞...今次就少咗好多細節....同fans 玩遊戲得嗰一陣...又無乜傾計......又無嘉賓...感覺上好似無咁隆重其事...有點遜色.....個場又細...成個簽唱會只係得45分鍾....真係等咗幾倍時間....

p.s. 蕭敬騰..個髮型...我哋係上面真係由頭到尾都睇唔清佢個樣...所以d 相無宗緯上次照得咁好...

anyway....蕭敬騰唱現場真係好好聽...佢今日唱咗3首歌 "收藏", "原諒我" 同 "王子的新衣"..大家嚟聽吓la...

收藏

原諒我

王子的新衣