暈車

今日係好糗....話說放工巴士竟然無位坐...所以唯有企係到....咁你哋都知我追緊火影忍者....所以就算無位坐....我都要堅待睇....點知差唔多到屯門既時候...竟然有d小塞車...車又開又停...加上用神太多...開始覺得唔係太舒服....未去到暈...但係如果唔及時停...我怕會嘔.....所以唯有即刻唔再睇....但由於企係到...根本休息唔到...覺得越來越唔舒服....最後無辦法...我唯有走上樓梯坐咗係到...果然穿高踭鞋企咁耐係唔得.....一坐低就即時無事...完全無覺得暈....真係激色

本來無位坐....坐樓梯都好正常...問題係我係女仔...而且又有人見到我一直係到睇mp5.....然後突然走上樓梯坐...係人都知我因為太用神睇到暈la...真係超糗....所以我最係都係扮瞓覺避開所有人既目光.....真慘....

差唔多埋第一個站既時候...我要起身....其實我已經無暈...但係好怕起身既時候作衫有白色一鐽...因為我著黑色衫....但係人好多..所以又唔好意思用手狂拍....唯有扮唔知...一到站即落車...行超快....真尷尬...

返到屋企第件事唔係取鞋....係照鏡...好彩都無一鐽白色...唔係就糗上加糗....