2008 世界女排大奬賽 (香港站) - Day 3

哇 ! 今日last...真係超刺激...全場爆滿.....一面賭支持中國...意大利簡直係好慘...因為一有咩問題現場就會即刻作出反應...拍手...or 噓...我都叫到聲嘶力竭...把聲都沙晒...因為不停起身吶喊....動作又大...所以情緒高漲...覺得血充腦...成個人都好熱...而且分數咬得好緊...所以心跳得好快...我同個fd 睇到...太緊張...太投入...真係有d心臟病發既感覺...真誇張....不過呢d感覺係睇電視feel 唔到既....因為真係即時反應...超high...

加上坐得超近...感覺真係唔同 d....所以我影咗照多相...全部upload 晒係相薄"2008 世界女排大奬賽"....見到樣架...

又係到同大家報導吓2場波既現況la...

日本 vs 古巴

呢場波本應係強弱懸殊....但古巴唔知搞乜鬼...第一局就輸...仲要係打得好亂...淨係開失波都送分都唔知幾多次....仲要係好多球都係同一個人開失...但都唔換人...你話死未? 好彩...由第2局開始....古巴終於發力....打返水準...日本即時無得打....直落3局...取勝...

其實講戰術...日本比較多....但係因為個人實力問題...打古巴唔死...相反古巴就進攻好單調....4 號位強攻...但係力量太勁...又超手..根本無得守...如果唔係古巴係咁開始失誤...應該會贏更多...同更快....不過咁就日本可以贏到一局...唔駛食蛋咁醜....

其實...現場大部份人都係支持日本...因為大家都係鋤強輔弱...算古巴唔好彩la..

因為個心係中國隊身上...都唔記得記低個分數....唔好意思la...總之係3:1..古巴贏 la...

中國 vs 意大利

實力相當既2隊.....其實都唔敢講話邊隊會贏...只係香港人無論如果都係支持中國隊...唔理對手有幾強...都會認為中國隊係現場觀眾既吶喊下....一定會贏...你話咁既心態...點會唔睇到心跳加速...精神緊張....因為太唔理智喇...

打5局係一早估到既情況...但無諗過第一局會以7分之差落敗....好似未瞓醒...不過我都有心理準備...中國隊都係慢熱....第一局多數輸...只係無諗過7分咁多....

好彩到第2局終於可以打返出隊形同埋戰術.....中國隊真係好需要戰術支援....因為個人power 無鬼妹咁強....唔係可以下下打死對手得分...好似中國係2,3局都經常攻擊被對手救到...但係就救唔到對手d 波....搞到分分佳辛苦...辛苦得嚟一分...好容易就被對手一個攻擊攞返....真係唔抵....

係第3局...因為一球問題波....明明 in...裁判話 out...replay 都見到個波係 in....我叫得超太聲....因為個第3局坐中國隊正後面...呢個攻擊我睇住個波落係條界上面...係第一時間睇得好清楚...都唔知個副裁判睇咩....來回2分加埋洩咗度氣....最後個分仲要自己失誤...雙手送埋呢局俾人

打到第4局...呢局真係超緊張...因為中國呢局一定要贏先可以有機會打第5局.....個心簡直一直跳得好快....一直都咬得好緊...去到2x 分開始....今次因為意大利有幾個問題球打洩咗度氣....

因為第4局打亂咗陣腳....第5局一開始中國已經領先5分....迫住意大利係好早既時候已經叫晒2個暫停....最後連隊長都攞埋黃牌....排球攞黃牌真係唔多.....呢局黃一梅真係超強...咩叫力既表現...係呢局真係可以清楚體會到.....捉到路都救唔到....結果好快就輸埋呢局.....

平心而論....意大利世界排名第2真係唔係假....論實力, 整體戰術發揮及隠定度...我都覺得意大利比較強...不過中國勝在意志堅強......戰術變化多.....如果唔係意大利自亂陣腳...沈唔住氣.....肯定第5局有排打...

表賽結果

平時....一睇完波大家都雞飛狗走...今次大部分...我諗最少有80%既人留低睇頒奬.....可能因為中國隊第一喇...

冠軍: 中國 (3戰全勝)
亞軍: 意大利
季軍: 古巴
殿軍: 日本 (3戰全敗)

個人奬項:
最佳得分球員: 古巴 1 號...louis
最佳攻擊球員: 意大利17號
最佳攔網球員: 中國10號...薜明
最佳發球球員: 日本12號...
最佳助攻球員: 日本6號
最佳第6人: 日本3號
MVP: 中國9號 趙蕊蕊
UPS最受歡迎球員: 中國9號 趙蕊蕊

最後陳忠和教練仲同現場觀眾講嘢....都係多謝大家支持咁la....

小插曲

live - 原來好多人都懷疑live 既節目...究竟係咪live...係咪會有delay....好似我個fd...同我個fd個妹....佢哋都以為電視直播係有delay...係假....以為我哋係現場會睇完先...真係奇怪

紀念品 - 早知今日先買紀念品 la..有得抽獎..可以玩遊戲攞親筆簽名排球...球衣...真係唔公平

Lesbian - 坐係我哋前面....有對Lesbian....著住情侶裝...全場係到抱抱咀咀....因為我哋坐係TVB 個 camera 側邊...應該話係media 區....所以得我佢哋同我哋...4個觀眾坐...成場見到佢哋咁..唔係歧視...只係覺得好尷尬....