母親節...小弟生病

突然昨晚凌晨12點幾...細老話我阿媽叫我過去...我問佢咩事...佢話唔知...咁我咪打俾我阿媽問佢..點知原來我最細細佬又柯又嘔....佢打俾我細佬就係話叫我哋2個陪我細細佬去睇急症...但細佬只係話俾我聽阿媽找我...其他事佢好似聽唔到唔知咁...咁我阿媽叫我叫埋我細佬一齊去..但係問題係佢既然都扮唔知同我講...佢又點會理我哋...所以我自己換咗衫就出門口..都癈事再叫佢..

 

見到阿媽...問我細佬係邊?? 她話叫咗佢...我就直接答佢....細佬話俾我知時...話佢唔知咩事....淨係話阿媽找我...即明明知道都扮唔知...咁佢又點會理你...另我阿爸第2朝要返工..所以最後得我同阿媽陪我細佬去...

 

今晚真係好好彩....急症室竟然無乜人....我諗大概只係得10個人....所以一個鍾就搞掂...3 點幾就可以返到屋企...同我平時放假既瞓覺時間差唔多...

 

我阿媽有時真係好麻煩....明明佢都話有d唔舒服..因為佢同我細佬中午一齊食...所以一齊唔舒服...但問佢睇唔睇既時候佢又話唔駛...到等緊既時候又話好唔舒服又想睇...我話而家去登記又要從新排過...因我都就到我細佬...你話係咪真係好麻煩?? 都嚟到都唔睇...都唔知佢諗乜..但最係都係無睇..因為係我哋猶豫不決既時候...突破叫我細佬去見醫生...所以唔駛諗...

 

因為我細佬同我阿媽都唔舒服...所以今天既母親節都無過....我阿媽話遲d先算...但無論如何...媽媽...

 

母親節快樂 !!!