關係白熱化

今日收到個同事電話...知道佢哋3個既關係已變得白熱化...而且好惡劣....

事源因為同事上星期已經同佢阿妹辭咗職...而且仲接受咗...話佢交接完就可以走...唔駛等一個月...但係我就同佢講....邊有咁好...叫佢一定要問清楚...如果唔係可能佢早走會扣佢錢...

由佢辭職開始...呢倆姨甥開始冷言冷語.....又咁啱俾佢個八掛姨甥知道佢之前同我另一個同事借錢搬屋...雖然係佢哋2個既私人事...但八婆就真係八婆...乜都關佢事...佢竟然問被借錢既同事佢阿姨係咪借咗佢錢...還咗俾佢未? 未還快d叫佢還...因為佢辭職走la...咁呢個同事就覺得關佢咩事...都係私人借錢..就算唔還都係佢自己問題...咁所以咪敷衍佢話"未"...點知..佢就走咗出同佢阿姨講...話呢個阿姨借咗另一個同事錢...咁阿妹咪就去問家姐"點解問人借錢....你有得還咩?...." 聽到真係好沮喪...

事情接2連3咁發生...因為呢位借錢俾佢既同事都係今個星辭咗職...但係老闆娘就叫佢諗吓...下星期先再確實...咁因為借錢事件...老闆娘一口咬定佢家姐係一早知...但無話俾佢知...咁我同事話...之前都有同佢提過...但佢都無理佢...而且又唔知個同事會幾時辭職...所以咪無再同佢講...咁老闆娘就同佢講好"心淡"....其實講真其他同事都知道...得佢倆姨甥同老細唔知咋...不過佢就遭殃....梗食晒...

我同我同事講...佢都就快就la...唔好理佢哋..過埋呢d 日子...就可以有新生活...唔駛再見到佢哋...少d 磨擦...錢就嚟還完...又有新工...可以從生...應該開心先啱....

我真係好憎是非精...都唔知佢想掂...話晒都係長輩...佢唔怕有報應?? 平時係廠見佢都成日講廠既人是非...個個都講...把口真係好臭...佢真係要求神拜彿望呢間公司唔好執...唔係佢出去一定搵唔返呢份人工...更加唔會有咁既power...因為佢都無學歷...又唔識英文..又串..又自以為事...無可能同人相處到....