奪命流感

流感不斷爆發....今日先同d同事講開點解政府唔要求學校停課...到復活節la..都係放早2,3日....何必攞小朋友既命嚟駁....已經死咗幾個小朋友..又有咁多小朋友病....

話口未完...今晚就宣佈全港幼維園同小學提早放假...早就應該咁做 la... 最多咪遲d放暑假...都唔知有乜影響....處理危機應變...應該有彈性d...

我覺得政府真係好多辯駁....優柔寡斷....真係好少做d好果斷既決定...

最好笑係...呼籲人....留返d疫苗俾高危人士....咁請問又點定義呢? 我諗係爆發期間...個個人都覺得自己係高危...生命尤關...試問有邊個會咁禮讓?? 人人都會自保la..

話唔會拒絕發燒人士入院..除非無床位...咁既係會拒絕la...邊個唔知醫院床位一直都好緊張架la...

我只係覺得應該多d支持醫護人員....因為每次發生大件事...佢哋都係前線人員...犠牲都好大.....

各位醫護人員.....加油 !!!