陶喆演唱會2008@紅館

假期既最後一天真係好忙...去完花展...夜晚仲去咗睇陶喆演唱會.....

陶喆唱Live真係唔同d....好好聽....我覺得佢每次唱同一首歌既時候都有唔同既唱法同感覺...好睇佢當時既心情...所以就算佢只係唱舊歌...都唔會覺得悶...好似佢今次就將好多舊歌重新編曲...所以好有新鮮感...當然其實我覺得重新編曲比原曲更難唱...真係無番咁既實力既歌手都做唔到....無可否認...佢既音樂詣藝真係好高....所以可以係演出上做好多變化...

氣氛真係一流...佢唱舞曲既時候....$480既人都有企起身跳舞....如果我坐係下面..我一定好瘋狂....其實今日都不停叫....因為同我去睇既呢個 fd 算係投入嗰種...所以我真一齊high...

雖然今次演唱會舞台設計真係無乜....好簡單...表演衣服都得4套...仲要係好casual...但係無人會覺得悶...因為佢本身唱歌好聽...表演又投入唔留力....真所謂唱既人投入...聽既人自然會感受到....相反...其實陶喆既演唱會可以再簡單一d...好似中間有一段戲劇表演我就覺得可以唔要....因為大家都係想聽陶喆既好聲音....跳舞同其他表演都唔係佢強項...真係可以慳返...可能佢加盟咗paco...所以總覺得佢既演唱會比較商業化....無以前咁單純....歌手想唱好歌...觀眾想聽好歌既感覺....

陶喆同周杰倫最大既分別就係...周杰倫演唱會好商業化...好花巧...但唱歌又唔盡全力...唔投入...但陶喆就相反....所以另人睇得好爽....希望唔好因為paco陶喆演唱會變得商業化...

另外...唔知係咪最後一場既關係....我覺得佢有d高音都唱唔到...仲差d想走音...雖然佢d轉音....假音依照好勁...但係以佢既實力高音唱唔到真係有d失望....

無論如果...都係一個唔錯既唱會....

我的評分: