生命真脆弱

噚晚食飯既時候....突然聽到一個好唔開心既消息...

有一個國內同事既老公過咗身...聽到真係好唔開心...但當我想同情佢既時候....往往又發生其他事....

件事係個國內同事收到佢老公個妹電話...話出咗事...而加係醫院....叫佢即刻帶埋個仔去浙江...搵佢哋....咁同事都半信半疑...所以自己打咗去醫院問..一問之下竟然話俾佢聽佢老公已經死咗...仲係已經之前一日既事...

咁呢個同事當然好亂...好急...想即刻...返去...但係俾我哋制止咗...因為都夜嘛嘛...2個女仔..去到咁遠好危險...而且件事都未搞清楚...就咁去係不智..如果d人立心不良...連個仔都搶埋佢...

咁第2日一早, 佢哋2姐妹都即刻飛去....但點知...到咗都見唔到佢老公...因為話佢細妹無話比佢知係邊間醫院....唔話俾佢知既原因係因為好似同顧主搞緊賠償...因為唔想分俾佢...所以唔想俾佢知...結果係到等...好彩真係無夜嘛嘛趕去...

諗返件事...真係好奇怪...個姑仔點解唔話俾佢聽已經死咗...又要佢帶埋個仔....唔通可以賠多d?? 又唔話俾佢知邊間醫院...

我個同事都奇怪la..又話唔知邊間醫院...咁佢點樣問到醫院佢老公既死訊?..

疑點一堆....但唯一可以知既係人既生命真係好脆弱...唔知自己幾時會死...唔知幾時會發生咩事...所謂今日唔知聽日事....所以真係應該要及時行樂...唔係真係會往過此生....後悔莫及....

大家記得要享受人生.....