幼稚

今晚有個 friend...同我訴苦...話說佢參加一個以前都好FRIEND既朋友婚宴...見到成班大學同學....但呢班人對佢既態度好差...可能因為大家無聯絡又加埋好耐無見...唔單止無話題...我個friend仲要俾人串...話佢做乜著得咁靚...係咪想搶新娘鏡..真無奈...著一條黑色裙又點搶到新娘鏡...唔好玩la..真慘...而且我覺得著好 d 係尊重對方...更何況呢個係正式場合...唔記得講...成班人連老公..男朋友都著牛仔褲出席...唔怪得會串我個friend...擺明係妒忌...

 

真奇怪..話晒我個friend之前同呢班人都幾好感情...係我比較唔鍾意同佢哋玩jar...就算好耐無見無聯絡...吹吹水關心下..都好正常jar...話晒都一場同學...點解會咁...真係連講2句都厭煩??? 但我認為呢d都係基本禮貌...所以我覺得佢哋好幼稚...出咗社會咁多年都無進步...

 

其實我一直都覺得呢班同學好怪...係一d唔正常既大學生...成班女仔成日都八...又鍾意玩小圏子...又愛集體行動...班正常既男仔都好怕佢哋...因為真係好煩...得d怪怪的男仔先會同佢哋玩得埋...可能本身我性格似男仔...真係唔鍾意八婆...平時都唔鐘意八人d嘢...而且又唔鍾意...一班女仔一齊個種煩...是非又多....所以我由中學開始都係同男仔玩得比較埋...因為唔駛就著...想講乜就講乜...唔駛諗咁多....輕鬆好多

 

雖然係咁...但呢班女仔都結咗婚...所以我同我個friend反而係到諗係咪我哋有問題...可能真係我地要求太高...無人要...又同另一個friend 講開佢話我要改觀吓...唔係都好難...睇所有人都唔順眼。咁都係既...雖然話唔急住要結婚生仔...但係都真係想有個了解自己既人陪...可能真係要反醒吓....